Vnsen fruntliken dinst touor(e)n Ersamen besund(er)n leuen frunde We don Juwer leue weten / wu dat vor vns syn gewest vnse frunde de korsner(e) jn vnser stad wonhaftich vnd hebbe(n) / vns bericht vnd clegeliken geclaget , wo etlike ore Jnni(n)gesbroder(e) de den marcket by(n)nen / Juwer stad Jnsenthe Bartholomeus daghe nilkest vorgangen gesocht , vnd na alder / wonheit gebruket hebben , von etliken Juwen borger(e)n , nemliken den korsener(e)n , by(n)nen / Juwer stad wonhaftich mit vnuͮorbunden worden , de on antreden , ere liff vnd gude / geruchte , grofliken ouerfaren , vnd mit barden ouer lopen sin , vnd vns v(m)me sodann(e) / grofflike ou(er)far(i)nghe on von den Juwen geschien v(m)me nochhaftighe vtrichtinghe / von den Juwen an Juw toschriuende gebeden hebben , alsodanes doch von den Juwe(n) / geschien , vns sere vorduncket vnde myshaget , war v(m)me Bidden wij mit flite gÿ / willen Juwe borger(e) dar to vormoge(n) vnd so hebben , dat se den vnsen dar vor don / so vele erlik vnde redelik is , nach irkentnisse , dat se anderer moͤghe vnd arbeit / dar v(m)me mit on nicht enbehoüen , wente sy on anders mit rechte so we erfar(e)n / hebben tomane(n)de nicht dencken to myden(e) dat se vnser bede hir an moghen genyte(n) / vordynen wij Jnbesund(er)n flite gerne Juwe antw(or)t Geschreuen am fridage nach / exaltat(i)on cruc(is) vnder vnser stad Secrete Anno domi(ni) (etc.) xlnono /

Radmanne vnd Jnnigismester(e) / der Aldenstad Magdeborch /