Ok leuen frunde so syn wij bericht von den g(enan)nten vnsen borger(e)n , wu dat etlike Juwe / borger(e) alse nemliken Asmüs bense Claus Jacobs , Michil otten , Cziliat(us) vnd eyn(er) gnant / Pauwel , schullen gesecht hebben wen sy kemerer(e) vnd borgermester(e) weren von des / rades wegen gewest , so wolden sij sik bath geholden vnde beter rekenschopp gedan hebben , / wen itlike der oren gedan hedden , Des vns denne ok von one sere vorduncket , wen / wij yo nyma(n)de von des wegen enweten se hebben vns alle von soda(n)nes amptes / wegen gude rekenschop gedan , doch wusten se wene dede anders dar bij gedan hedde , / vnd dij namhaftich gemaket worde(n) , so wolde wij de yo bestellen sik alse bederue / lude touorantwerdenn Dat(um) vt sup(ra) /