Minen willigen dinst touor(e)n Ersamen liuen her(e)n alzo ik von myner moder weg(e)n / by iuwe ersamheit gewesen bin Alze v(m)me Geregke vresen iuwen medeburg(e)r(e) von / der Rade weg(e)n de von sinem wyfe an myne moder vorstoruͮen sind , des vns iuwe / erbarcheit beful dat we vnderenander vorsuken schulden aff we vns in fruntschaft / vordraghen mochten des hebbe we vorsucht vnd konden vns konden vns ¹ daru(m)me nicht / geeynen , Hiru(m)me bidde ik noch mit vlite dat gij oͤn dar thu vormog(e)n dat he vns / noch in fruntschap vor de Rade vor² iuk genuͮch don wille , dat we daru(m)me nicht mit om / recht(e)n bedoruͮen , Thuͮm ersten alze v(m)me eyn paternoster von korallen , v(m)me eyne(n) / borden von syden mit eyne(m) budel vnd mit eynem meste mit suluer(e) beslagh(e)n v(m)me / eynen hoiken mit eyne(m) suder von xvj guld(en) , vnd eyne(n) Rok von vif gulden , eyne(n) / widen roden rock vnd eyne(n) grunen , v(m)me kindelbeddech gerede , twe banckpolen . / iiij rode puͮsten . , vj bedde, iiij houetpolen , vnd xiiij par laken , dischlaken³ vnd / hant twelen , vnd suluerwerk von alle oren roͤcken , v(m)me oren floͤer vnd beste / doke , vnd ander kleynod vnde gereyde dat thu ge Rade geboͤrt , were auer dat / des nicht geschege so bidde ik iuk dat gy ² vns des recht(e)n gu(n)nen willen des wil ik / g(er)ne vordenen , vnd bidde v(m)me iuwe antw(er)t , Geschr(euen) vnd(er) myne(n) Jng(esegel) an sente / Bartholmeus dage . /

Hand Ghereke / burg(er) to meideborch /