Vnsen ffrundliken denst tuuͮorn Ersamen besunde(re)n leuen frunde / vns heft berichtet Meyger de Jodde de vns toverdedi(n)gen tosteyt / wuͮ eyner juwer Borger g(ena)nt laurentz desedeler ome dridde / halff schok older g(ro)ssen bouen ey(n) jar schuldich gewest sy (etc.) wur / v(m)me bidden wy ju besunde(re)n flyte den beno(m)pten Juwen Borger / to vnderwysende dat he dem gn(an)ten jodden zoda(n)ne schuld to / willen betale dat ome vor der mani(n)ge moͤyge [vnderbeid(en)] / dar v(m)me to hebbe(n)de nicht nod noch behoff werde dar ane don / gy vns to da(n)cke vnd(e) wy vordyne(n)t gerne Juwe antworde / Gescreu(en) am mydweken nah Esto michi vnder vnser Stad / Secret(um) Anno d(omi)ni (etc.) lp(ri)mo /

Radmann vnd Jnnigesmeste(re) / der alden Stad Magdeborch /