Vnsenn fruntliken denst tuuorn Ersamen besundern leuen frunde Wij hebben vor / nomen vnd egentliken Jrfaren , Wu Jtlik scheel vnd vnwille twisschen Juwen gnedig(e)n / hern Grafen Jurgen vnd Grafen Adofe vnd Juk schulle entstan sin dat wij vngerne / vornemen , wur v(m)me zegen wij gerne gij willen zodan(n)e scheel vnd saken , Jngutlicheid / twisschen did vnd pingesten negest komende , v(m)me vnsenn willen , laten anstan , vnd we(re) / Juk by(n)nen der tijd sinlik van des wegen eynen fruntliken dach myd den g(ena)nten Juwen / hern Jnlechliken Staden to holdene , vnd zodanen scheel to vorhandelende , wes wij / den(n)e Jn den saken gudes vorsagen machten , deden wij gerne , vnd mochte wij willich / Juwe richtige Antwerde Geschreuen Am do(n)nerdage nah leta(r)e vnder , vnser / Stad Secret(um) Anno d(omi)ni (etc.) liij /

Radmann vnd Jnnigesmeste(re) /

Ok Ersamen leuen frunde hebben wij Jn guder Andacht vnd wal meni(n)ghe An / de g(ena)nten Juwen gnedigen hern Grafe Jurgen vnd Grafen Adalfe , des gelick / geschreuen datu(m) vt Sup(ra) /