Vnser(e)n fruntliken dinst , thuuor(e)n Ersame(n) bisund(er)n leue(n) frunde So gi vns / von sodanen saken hans molre vnd(e) Clawes bornen vnser vnd(e) hinrik vothe / Juwen boͤrger(e)n andrepende hebben geschreue(n) (etc.) hebben wij to gudermate v(or)stan / vnd(e) dhon Juk des gutliken weten dat de g(enan)nte hans molre Jtzundt nicht Jnheẏmisch / en Js Sunder so schire he wedder(e) bij de hant kome(n) wert , vnd(e) ohne hebben moge(n) / wille(n) wij mit , ohme daruth reden vnd(e) Juk denne dat aüescheÿdint witlik wer/den laten , vnd(e) vns duͦnket nuͦtte sẏn dat gij so lange den gnanten hinrik voͤth / by Juk beholden opp dat , de sake to eẏnem ende mochte kome(n) vnd(e) wes we Juwer(e) / leue forder to willen vnd denste mogen wesen dhon wij Jnflite g(er)ne Geschreue(n) / Am dinstedage vor marga(r)ete vnder vns(er) Stad Secret(um) Anno domi(ni) (etc.) liijº /

Ok guden frunde So gij dem ersame(n) heẏsen Vvͦlfen vnsem borg(er)meste(re) von sodaner(e) / anlanginge von Juwen h(e)rn v(m)me Jtlik hofewergk (etc.) hebben geschr(euen) , des dhon / wij Juk tho weten dat vnse gnedige herre von magdeburch vns ok in dem / geliken angelanget hefft vnd(e) wij vormoden vns wẏ werden oͤhme dar Jnne / mit Jtliken vns(er)n hoffewerke tho denste wesen (etc.) dat(um) vtscup(ra) /