Vnnser(e)n fruntliken dinst thuuor(e)n Ersamen bisunder(e)n leuen frunde vns hefft thuuorstande / ggeuen Slomen ÿode de vns to vordedingen to steÿd , wu Sÿmon Grasehop Juwe borger(e) / ohme eẏne su(m)me geldes langetÿd schuldich vnd(e) plichtich gewesin sij , dar he ohne denne / vaken v(m)me gemanet vnd(e) angelanged hebbe ohme doch alles wante her(e) vmbehulplik / gewesin So he vns des berichtet hefft wuru(m)me guden frunde Bidden wy den gnantenn / Juwen Borger(e) to vnderwisende , dat he dem gnanten yoden sodanes he ohme schuldich vnd(e) / plichtich is noch sunder(e) lenger vortoch vnd(e) suͤmend to willen betale vnd(e) richtich make / dat ohme dar anderer(e) mani(n)ge moͤyge vnd(e) arbeẏdes v(m)me to hebbende nen noͤd en sy , vnd(e) / de gna(n)te ÿode , des Juwer , anwisinge vmb(er) vns(er) bede willen moͤge geneten darann(e) dhon / gi vns to dancke vnd wẏ vordenend gerne Juwe antwerde Geschreuen Am middeweken / octa(vi)s Assumpt(i)o(n)is ma(r)ie vnder vnser Stad Secret(um) Anno domi(ni) (etc.) liijº /

Radmann(e) vnd Jnnigismeste(re) / der Alden Stad Magdeburch /