Vnnser(e)n fruntliken dinst thuuor(e)n Ersamen bisund(er)n leuen frunde vns is vorgekomen wu eẏner / gna(n)t hinrik aluensleue mit vns wesende mit eẏn(er) vnser borgerschen peter Geternitz eliken / husfrouwen ouer velt wente bÿnnen Juwe stad gewandert sij vnd(e) Jnfolge bynnen Juwer stad / de sulue peter geternitz dem gnanten hinrike Jn hastem vnmoden ¹ vnweten mode angeferdiget / hebbe wu he ohme sẏne frouwen mit vorsate schulle hebben entfuret , van deszwegen gij ohne / Jnfengknisse genomen vnd(e) in Juwe beheltnisse schullen gebracht hebben laten Guden fruͤnde / des² js nu de gna(n)te Geternitz van deszwegen vor vns gekomen vnd(e) hefft vns gesecht , dat he / nicht geweten hebbe , wu dat v(m)me de sake gelegen gewesen sij vnd(e) hebbe dat Jn hasten / mode gedhan vnd(e) enwete van de(n) gna(n)ten hinrike nicht wenne alle gud wuru(m)me bidden / wij Gij willen den suluen hinrik vth sodaner(e) Juwer fengknisse Quẏd liddich vnd(e) losz / geuen nach deme wij so bericht sẏn he dar vnschuldichlike to gekomen is wente de / gna(n)te Geternitz vnse borger(e) hefft vor vns geredet dat h[e] ohne van deszwegen nicht / bededingen wille vnd(e) hebbe ok to oͤhme nicht to sakene is de gna(n)te hinrik des / vnsir bede vnd(e) ok syner(e) vnschult darane moge geneten nane dhon gij vns bisund(er)n / to danke vnd(e) we vordenend g(er)ne Geschr(euen) Am middeweke Galli vnder vnser stad / Secret(um) anno domi(ni) (etc.) liiij to /

[Rad]mann(e) vnd(e) Jnnigismest(ere) / [der] Ald(en) stad magdeborch /