Myne(n) willigenn denst Erszamen vnnd wol wiszenn(e) He ¹ leue(n) heren(e) Jdt hefft sick / v(or)lope(n) Jnuorgange(n) tidenn(e) Dat ick ey(n)nem(e) Juwem borgher(e) gena(n)t hans heydeke(n) v(or)kofft hebbe etlick molt dar myck de(n)ne noch aff hinderstellich ysz xiiij gulde(n) / vnnd(e) wesz idt mick susz gekostet hefft Dar ick de(n)ne de(n) gena(n)te(n) hansze mit Juck / Jn dat Recht getagen(e) , hebbe vnd(e) syne guder(e) boseth vnd(e) boku(m)merth vnd(e) ick dar(e) / de(n)ne Jngewiszet byn na gelouffte vnd(e) gewonheyt Juwer(e) Stadt (etc.) Erszame(n) leue(n) / here(n) boüe(n) dat ysz de Richt(er) pet(er) wegener(e) gena(n)t de hefft sick szo vndergewu(n)nen(e) / my(n) bosettede vnd(e) erclagede gudt vnd(e) hefft gehete(n) vnd(e) v(or)gundt der(er) frouwenn(e) / sodan(ne) beer(e) alsze ick bosetht hadde to v(or)kopen(e) vnd(e) va(n)¹ my van der handt to bry(n)ge(n) / my arme ma(n)ne to grotem(e) drepliken(e) schade(n) wor v(m)me ysz myne fru(n)tlike / bede gy de(m) v(or)gn(an)te(n) Juwe(m) Richter(e) willen(e) szo hebbe(n) vnd(e) anholde(n) dat he mẏ / my(n) bosette gudt ¹ vnd(e) vthgeclagede gudt wedder(e) by de handt bringhe(n) effte sodan(ne) / geldt alsze dar(e) va(n) geworde(n) edder gekome(n) ysz dat ick neynes arbeydes dar(e) / forder(e) ouer bodorffe Erszame(n) leue(n) here(n) ² offt sodans nicht enscheghe dat ock³ mẏ / Juwe Ersamheydt nicht dar(e) an wolde(n) vordencke(n) my(n) Recht vnd(e) schade(n) va(n) / den Juwen(e) to mane(n) we(n)te ick weyt idt anders by nema(n)de my(n) geldt vnd(e) / schaden(e) to soken de(n)ne by Juwem(e) Richter(e) Ersame(n) leue(n) here(n) mochte ick / Juwer(e) v(or)bede hir Jnnegenete(n) v(or)dene ick wedder Juwe ersamheyt alle tidt gh(er)ne / vnnd(e) bogher(e) dess(er) Juwe schrifflike antwerdt gegeue(n) am donr(e)dage na / Remi(ni)sce(re) ann(o) xcij Jar(e) /

Borcherdt harme(n) / borg(er) to magdeb(orgh) /