Vnsen fruntliken denst touorn Ersamen Bsundern guden frunde de / Taferner . vnd ander vnse borger . vnd vorwanten hebben vns ange/bracht . : beclagende dat grote vngelicheid sy der Copen vathe / ferndele vnd vethe dar de Juwen ohr gebrowen behr . Jnleggen / vnd ohne togeford werde dat ohne sere swerlick . sie vnd aue=/drage vorsehnde Juwer leue nicht eygentliken Jnne vnd eyn / wetend hebben . (etc.) . Van deswegen guden frunde Bidden wy deger / fruntliken gy willen dar opp sehen vnd eyn vormerckendt / hebben vnd de dynge also vogen vnd dar vor wesen dat eynsodans / gewandelt . vnd gherechtuerdiget vnd dar mede nach der mathe / vnd gebore geholden werde Vorsehn wy vns tho Juwer leue / wol vnd vordenend wur wy mogen gerne vnd des Juwer / leue antwerde Geschreuen am Mandage post Quasimodoge/niti anno domi(ni) (etc.) xcijº /

Rathman vnd Jnnigismester / der alden Stad Magdeborch /