Mynenn fruntlikenn dinst touor(e)n Ersamenn vnd wÿszenn / besund(e)ren gunstige(n) her(e)n vnd guden frunde Es hebbe(n) my de / Santt(er)slouen to haldesleue ey(n) deyl wo(n)hafftich uth sodanen / achte rinsche(n) guld(en) Jerliker tinse de se Jerlikes vp vnser leue(n) / frouwe(n) dach Jn der vaste(n) anu(n)ctiatio(nis) ma(r)ie by gik dem(e) Rade / vp tobore(n)de hebbe(n) nach lude Juw(er) vo(r)schriui(n)ge ene dar ou(er)gege(n) / Ses Rinsche guld(en) Jerliker tinse vpp benomede dagetyd vor / schreue(n) vor hunde(r)t rinsche guld(en) houetsume(n) vpp eyne(n) widder=/kopp vnd my des to groterer vorwaringe ore(n) houetbreff ou(er / de viij guld(en) tinse one va(n) gik dem(e) Rade to Czerwest dar ouer / gegeüe(n) vor dem(e) Ersame(n) Rade der alde(n) Stad magdeburgk / beuene(n) des rades vnd ok orer eygene(n) vo(r)schriui(n)ge Jngeantw(er)det / vnd mik dar Jnne vnd met der houetsume(n) vnd tinse to oren / geborlike(n) tyde(n) to heue(n) vnd to bore(n) an gik ¹ gewese(n) Eyn sodanes ik / ermals Juwe(n) vorfare(n) dem(e) Rade vnd des Rades kemerern to / Czerwestvnd ok nu kortlike(n) bynne(n) achte dage(n) dusse(n) Juwe(n) / des Rades kemerern ok to ke(n)ne(n) gegeue(n) vnd dar by gebede(n) / hebbe my an Juwe Ersamicheyt touorbidde(n) dat my sodane ses / guld(en) Jerliker tinse vp bestympte tyd bedaget mochte(n) betalet / w(er)de(n) hir v(m)me bidde ik Juwe Ersamicheyt mit dinstlike(n) flyte / my de ses guld(en)by disse(n) kege(n)u(er)tige(n) ha(r)twige der do(m)her(e)n to magd(eburg) kemerer² ou(er)se(n)de(n) / vnd om(e) de va(n) myne(n)t wege(n) geue(n) vnd betale(n) wille(n) , vnd so / gy de sulue(n) viij guld(en) tinse heydeke(n) Santersleue(n) gegeue(n) hedde(n) / Gy ene als Juwe(n) burg(er) dar hen wysen vnd ve(r)moge(n) dat he de vjff / uthgeue vnd betale wo dat nicht geschut So wil ik gik de(me) / Rath Juwe ledemate(n) des Rades Juwe burger(e) vnd or(e)guder(e) mit / rechte dar v(m)me ku(n)nere(n) toue(n) vnd vphold(en) wo ik des mit one / bekome(n) kan So lange dat my gunglike uthrichtige(n) gesche(n) is / Gik vnd mik des vor muhe vnkost vnd arbeyt tobeware(n)de dar / ann(e) do gy my flytlike(n) to dancke vnd wil dat v(m)me gik vnd de / Juwe(n) to alle(n) tyde(n) mit flyte g(er)ne vo(r)dene(n) bidde des Juwe richtige / antw(er)de mit gungliker betalinge Geschreue(n) vp so(n)aue(n)t post / marcj ewa(n)geliste Anno (etc.) xciij vnder mynem(e) Signete /

Heynrich Alman Burg(er) Jn / der aldenstad Magdeburgk /