Vnsen fruntliken denst touorn . Ersamen wysen Bsundern guden frunde Juwe / schriffte der herbergen Nemliken vnsen frunden van hildenszem belouigende / itzundt vrid ok dar beneuen Steffen schelen vnses borgers anbry(n)gynge an vns / belouiget hebben wy alles vnd des Juwe gude wolmenynge vorstan dancken(n) ok / Juwer leue [yn]sodan(er) deger gutliken vnd ersamen guden frunde bewegen(n) / wy wol noch berichtynge dat den gn(ann)ten vnsen frunden van hildenszem opp / dem weyd vege bynnen Juwer stad herberge wol beqweme were . (etc.) Von dem / Bidden wy deger fruntliken . gy willen zu deme allendhaluen . dat beste vnd beque=/meste vornhemen . vnd dussen iegenwerdigen der wegen an de herbergen nach / Juwem besten vnd ¹ beqwemesten vnd gutduncken . wysen vnd de annhamen / dar man sick eygentliken to vorlaten moge vnd juk auermals sodaner moyge / nicht vorvlen lathen . Vordenen wy tigen Juwe(n) Ersamheide Jm geliken vnd / grotteren So [d]at an vns gelangt wedder v(m)me Jnflite gerne . Geschreuen vnder / vnser stad Secret am fridage Albani m(a)rtir(is) anno d(omi)ni (etc.) xciijº /

Rathman vnd Jnnigismester / der alden Stad Magdeborch /