Meÿnen willigenn vnuordrossen(e)n dinst allezẏt bereẏdt . Ersamen(n) / wÿszen her(e)n . als ich ew(e)r weÿszheÿt vor vierzehn dagen(n) / bey vrban wordeck des rades mitgewanten , der doctoren(n) leon=/hardt meszebargk vnd(e) Johannis reÿnhardts schriffte sandt etlicher / zcinse nemlich xvj rÿnsch(er) guͮld(en) , vorschriben(n) . Doctorj thome huszhor(e)n / seliges dechtniss(es) vff pingsten(n) vorgang(e)n bedaget , vnd(e) he mir / antwort , der erszame radt wurde in achtdagen(n) gen meÿdborch / komen , etliche geldt zcuentfang(e)n , solde mir den gutlich vszricht(e)nn / gefallen(n) oft biszhier nicht geschegen(n) . Vnd(e) ich abirmals irsucht / werde dorch die egenanten(n) , doctoren , Jn sulch gelt , mit dem / ersten gen leyptzik zcuschaffenn , als ew(e)r weÿsheÿt in den Jnge=/lechten(n) schrifften(n) wert v(er)nemen(n) . Jst derhalbenn meÿn vleÿssige / bethe ew(e)r weÿszheit wolle valentin diessem botenn , dar umb(e) / gesandt solche obgemelte xvj rÿnische gulden an golde vo(r)nogen(n) . / Vn(de) von Jm der vilgedachten doctoren quitancien entfangen(n) / vff dasz ich Jn [...] ¹ vff petrj vnd(e) paulj solche gelt mog(e) antworten(n) / vn(de) dasz ander koste dar mit moge vo(r)miden werdenn Geb(e)n / zcu magdeborch am tag Joh(ann)is bap(tis)te Nach xp(isti) gebort Jm xciij jare /

Pauel debe borger / czu magdborch