Mynen fruntlikenn dinst vor(e)n Ersamen lieuen her(e)n So alsze / Jck an dem(e) Nilkesten(e) Clawes Messeberge Jcwen medeborger hebbe / vorclaget vaͤn syner fracwe(n) angesselle , alsze van hansz arndes / dy dye guder(e) hefft beholden van Marten Becker(e) i vaͤn Mÿnem(e) / bender(e) , alsz myt namen xxxv schock , dat ick wol wil / nha bringen Myt frome(n) Luden den dat wol bewust ÿs / hefft he dÿe guder(e) genhome(n) du(n)ket mÿ he mochte Jo tho / der schult antworden , Bidde ick der halffen fruntlick / Jw ersame(n) heren gÿ den sulfftige(n) Juwe(n) medeborgere noch / so anholden dat he noch de iu(er) kunde dat syn volgen / lathen wolde vp dat vele arbeyd vnkost der halben nha / blyue(n) mochte wolde Jck v(m)me Jw erszame(n) her(e)n willich / myt vnuersporden dinsten gerne vordÿne(n) des Juwe / Richtige antwurde myt den ersten bidde ick vth Magd(eburg) / am(e) sonaude nach calixtj Anno d(omi)ni (etc.) nonagesi(m)o tertio /

Anne Beckers Juwe / willige tho magdeburg /