Vnsenn fruÍ®ntlikenn denst thouor(e)n Ersamenn bsunde(r)n guden fründe / vns hefft thouo(r)stande gegeüen vnses Rades genothe Steffen Bode / wü he v(or)midesst dem Ersamenn Hanszen cleynsmede vnde peter / wegener(e)n Jüwem Borgermeist(er) vnde Richter jarliker plege / vnde tinse haluen jn schel vnde mangel sy , der haluen zee ohne / by jüwer leuÍ®e jndt Recht genodiget , vnde der wegen binnen / jüwer Stadt na dussen negistkomenden twelfften sin schulde , des / he doch nach v(er)hinderinge vnde noden nemliken als denne sin / natürlike broder jn dat werdige Sacrament der Ee treden / vnde by liggen mothe , neynewiß by berngen vnde wardenn mö=/ge (etc.) Van des wegen deme na js vnse gude wolmeyni(n)ge / fruntliken biddende jüwe leüe willen sick der dinge jtzündt / vnder nemen , vnde de Saken jn der gn(ann)ten vo(r)horen vnde by=/leggen , wante jüwe leüe schullen siner van des wegen to / gelike vnde aller billicheyt wol mechtich weszen So he des / jüwer leue wol vorder mu(n)tliken berichten werdt vordenen / wy tigen jüwe Ersamheyde wur wy mogen vnde an / vns gelanget wedderv(m)me jnflite g(er)ne Gescreuen vnder / vnser Stad Secret(um) Am dinsdage post conteptio(nis) ma(r)ie virg(in)e / glor(i)osissime anno domj(ni) (etc.) xciij /
Radmann(e) vnde Jnnigesmeister(e) / der alden Stadt magdeborch /