Vnsen fruntliken denst thouorn Ersamen vnd wysen Bsundern guden frunde Juwer / leue wedderschriffte der twyloifftikeit haluen . twuschen den ersamen hanse cleynsmede , / Juwes vnd Steffen boden vnses Radesgenoten Smeviende , vor middelst des gn(ann)ten hanses / dar jnne vorslotenen schrifften (etc.) hebben wy alles der vnd tho guder mathen vorsthan[en] / vnd guden fru(n)de jn allem besten nach vorwantem dyngen hebben wy mit dem gn(ann)ten / Steffen dar uth so vorder geredet von deme beleue hans cleynsmede sick dar uth / mit ohme dar uth ¹ Jn der gute nach vnser anholdynge tho vordragende wil he sick / wol Jn dem gutliken vynden laten . Van desz wegen guden frunde is vnse gude / wolmeyni(n)ge . Juwe leue willen Jn allem besten mit dem gn(ann)ten hansen Juwes Rades / genoten dar uth reden vnd Jn der gute vorfogen sick derhaluen op eyne beqweme / tyd . wen he des warden mochte vnd de tyd jrnennen(n) wolde her by vns fogen / wolden wy denne allen flid ankeren(n) se Jn der gute vndertwuschen . tho vorlikende / Sehen wy ok vnd vordenend wur wy mogen Jnflite gerne . Geschreuen vnder / vnser Stad Secret am Middeweken post Adelheydis Anno d(omi)ni (etc.) xciijº /

Rathman vnd Jnnigismester(e) / der alden Stad Magdeborch /