Vnsen fruntliken denst thouorn Ersamen Bsundern guden frunde Nach / Juwer leuͦe latesten wedder schriffte der vorhandelynghe der vathe Jn dem / berorende tho der tyd Juwer vorhynderynghe haluen , sunder des opp eyne / ander tyd wa(n)ne wy Juk der wegen eynsodans vorwitlikeden dar opp / sathen vnd des warden willen (etc.) vnder andern dho Jnholdene hebben / wy ersamen guden frunde de dynghe vnd ok vormiddelst nach an=/theynghe vnd vormanynghe van den andern vristen frunden vnd by / ghelegenen Steden Jn allem besten bewoghen der haluen se vnd wy / vnser rede vnd stede Am mandaghe nach vdalricj nehestkomende / Radessendeboden bynnen Juwer Stad denne opp den Auend Jn der / herberghe hebben vnd schicken willen deger fruntliken in der g(enan)nte tho bande=/lende vnd Auesched vorthonemende Vnd wur mede wy Juw(er) / leue tho willen vnd denste syn mogen don wy Jnflite gherne vnd des / Juwer leue amtwerde wy vnse(re)n frunden den Erliken Steden Jn dem / nu vnsen vorderen schrifften besty(m)met nach ohrem begher vnd bede vord / vorwitliken moghen sick dar na to richtende vnd tho holdene Geschreuen / vnder vns(e)r Stad Secret Am middeweken Marci et Marcellianj m(a)r/tirum Anno d(omi)ni (etc.) xciiij to /

Rathman vnd Jnnigismeister(e) / der alden Stad Magdeborch /