Vnsenn fruntliken denst thoüor(e)n Ersamen vnde vorsichtigenn / bsunde(r)n guden frunde vns hefft angebericht vnse borgerynne Mar=/garetha Schulten wu ehr clawes vorholt jüwe borg(ere) Rechter / witliker Schuld veffteẏn Schock grosschen Schuldich vnde plichtich / sy der haluen So zee ohne vm des wegen vor jüwer leüe beclaget / hebbe ohr vor dem Ersamen jüwen borgermester gesecht he wyl / ohr Eynzodanes nü by Eynem ferndel jares vo(r)gangen betalen vnd(e) / gutliken entrichten deme he doch neyne volge hebbe gedan / des ze gar oüel weszen moge (etc.) So zee vns des vnder ande(re)n / Eygentliken berichtet hefft van des wegen deme na Bidden / wy deger fruntliken jüwe leüe will(e)n den gn(an)t(en) Claweszen / den jüwen da(r)an vnde szo vord(er) vnderwiszen he der benomed(e)n / vnser borgerinnen Eynzodanes Sünder vorder moyge Schaden / kost vnde theringe jn d(er) güte betale , vnde ok da(r) vor ¹ weszen vnde / by ohme beschaffen zee vnü(er)waldiget , So zee vns vorder bericht / hefft he zee to Eygende droüwen schülle sund(er) Sick om Rechte / genoges lathe So wy nicht entwiüelen jüwe leüe wol dhon / willen vordenen wy ok wur wy mogen jnflite g(er)ne vnde / des jüwe leüe Antwerde Gescreüen vnder vnser Stad Secret(um) / Am Su(n)nauende Albanij ma(r)tir(is) Anno d(omi)nj (etc.) xciiij /

Radmann(e) vnde Jnnigesmester(e) / der Alden Stad Magdeborch /