Na der borth (cristi) vnses heren dusent veerhündert dar/na in dem twe v(n)nd negesten jare /

Am mandaghe nach sünte mathias daghe isz ghe/probereth v(n)nd vor horth grethke blomen van / jtliker tichalüen v(n)nd schült So heft see bekanth / wü de hinrik rygherdessche v(n)nd see hebben ghe/maketh mitt itliker fruwen hülpe thoüernisse / v(n)nd vor gyfftnisse v(n)nd ghe ghothen v(n)nd ghe/bracht van hinrik richgerdes früwe(n) vor / Cord papen hüszdore v(n)nd hebbenth ghe maketh / Corde papen sülüest v(n)nd nicht synem sonen / dem god gnedich sy wü wol dat hee dar isz tho / mathe komen v(n)nd myt sodaner toüernisse va(n) / dem leüende tho dem dode bracht v(n)nd forder / ijsz duth ghe schighe ghe scheyn eynsz / toͤr tÿd alseme screff in dem negenti=/gesten iare des fridaghes vor pÿnxs/ten v(n)nd jndem pinxst auͤende des mo(r)gens / van der hinrik Rÿgherdesschen Jn der daghe=/ringhe gheghothen So dusse vorghegn(an)t(e)¹ / grethe blome bekanth hefft v(n)nd up sterüe(n) wil /

Jt(em) Ok fforder isz der suluen sakehalüen ghe/fraghet de hinr(ik) Rygherdessche an(n)e donredaghe / aüende nach sünthe gregorien daghe vnde / hefft bekanth alle pünthe ghe schigthe v(n)nd / artikel so vor berüreth syn vnde düsse bekant/nisse ijsz ghe scheyn jn biwesende der ghestrenghe // Hinrik v(n)nd bertram van veltems des Rades / tho osschersleuen alse nomelike(n) Cord Roleües / borghermester Czande bro(m)mes Cord papen / bartold günters jacop scrader sine rades hern (et cetera) / vnde düsse vorgn(an)t(en) bayde fruwen alse nomeliken / kate(r)ine v(n)nd grethe synt vo(r) ordelt v(n)nd gherich=/teth nach ohrem vordenste v(n)nd duth isz ghe/scheyn am(me) ffridaghe nach sunthe gregorien / daghe jn dem xcijº jare /