Nah der borth Cristi vnses her(e)nn verteÿnhunderth Jar dar nah in dem achte vnnd(e) neghentigestenn / jare¹ Am(me) mÿdwekenn nah Sunte Barbarenn daghe heft mette / fricke(n) Smalhaÿne(n) Eliken hüsfruwe Eÿne rechte orfeÿde / gedaͤn geloueth vnnd geswor(e)n vnsem Gnedigestenn her(e)n / vann(e) Magdeborgh vnnd halb(e)r(stadt) siner s(iner)² g(naden) cappittel sinen / landt vnnd ludenn den vann(e) velthem dem Rade to ossch(e)r(sleue) / vnnd allen jnwoner(en) hire sülüest So she denn(e) borch/vrede gebrokenn vnnd den vann(e) velthem vnnd(e) dem / Rade drawelikenn gedraweth der saken ghetoÿfeth / vnnd in borghen hande geborgheth vann(e) hinr(ick) maryk / hen(n)igk Gantersleue hans Kreke(n)maÿger plawes / staüel Ernanth vnnd gesworenn der saken nu(m)mermher / to denckenn nocht vp to theÿnden noch befeÿden Edder to / beschedigende she vnnd ohre maͤn vnnd aruen ok / nema(n)t to Ewÿghen tÿden vann(e) ohrenth weghenn(e) der / geschefte to Erdenckende vnnd de gn(an)t(e) Mette smalheÿne / schal sick nu(m)mer merh to Osschersleue Erschinenn / noch jm(me) gerichte dat she denn(e) sho vor swore(n) vnnd(e) / vor borgheth heft dat sodens stede vaͤst vnnd vnvor=/brokenn geholdenn werdenn schal /