Anno d(o)m(ini) mº ccccº in dem achte vnnde / Neghntigestenn jare heft Czander Bromes / Bodt szeliger v(m)me goddes vnnd siner selenn / salicheyt willenn ge gheüen xv Rÿnsche / güldenn vnnd dat gelt steÿt au(er) Cordt / Reÿnkenn hüsz vnnd hoüe be leghenn vp / dem Maÿgdeburgeschem scheÿnweghe bÿ hinr(ik) / boszennaw vp Eÿne halüe vnnd de tegethoff / vp de anderen halüe vnnd vann(e) den xv güld(en) / alle jar eyne(n) gülden to tÿnsze vp gallij vnnd(e) / den tÿnsz schal de Radt vpnehmen vnnd dar / schalme mÿdde vor beteren weghe vnnd(e) / steghe Ok heft hinrick olrikes de tor tÿdt / Rychter sodane xv güld(en) au(er) Cord Reÿnken / husz vnnd hoüe bekanth vnnd bevesteth (et cetera) / Jt(e)m noch xv güld(en) gegeüen de sulfte Czander / bromes au(er) sinem hüsz vnnd hoüe bÿ fricken / haÿnen vp Eyne halüe vnnd der moszenn / hof vp de anderenn halüe vnnd de tinsz be/dagheth vp gallij vnnd de tinsz schal tor / fromissenn /

Jt(em)¹ j guld(en) to tijnsze gijfft Diderick / reyneken(n) de schal to wege vn(n)d(e) / to steghe De(n) ande(re)n to der fromissen(n) /den gifft stuͮrfelt to wege vn(nde) to stege /