Nha der borth Cristi vnses her(e)nn mº ccccº in dem / neghenn vnd(e) negentigestenn jare am(me) ffrydaghe / nha der hillighe(n) dryger koni(n)gh daghe isz ghe scheÿn Eÿne gru(n)tlike vordracht twÿsschen harme(n) michte / vnnd(e) hinr(ik) dreÿger So denn(e) gedachte hinr(ik) dreÿg(er) / v(or)meÿnde vann siner Eliken fruwe(n) weghe(n)n metten / an(n)sprake to hebbe(n) au(er) harme(n) müllers güde / vann(e) jtlikes Erfetalsz halüe(n) Effte herwedes / wege(n) dat denn(e) scholde vor arueth hebbe(n) he(n)nigk / Mülre harme(n) Mullers broder sone Sho hefft / ge dachte h(er)men Mulre metten Effte der dreyger/szche(n) ghe gheue(n) in frünschop xxx schock gross(chen) / vnnd dar mede afftichtnigk ghe daͤn she vnnd(e) / alszwe vann ohrenth weghenn dar nu(m)mer / mher vp to sake(n) noch a(n)nsprake to dhondenn / vnnd dar bÿ hebben ghe wesze(n) hinrick va(n) velthem / Cord roleües h(er)me(n) michte Cord graszhof hans / wederinck hans dreÿger hans alsleue / hans voͤsz Tile swÿder luder luders diderick / reÿnken Sho dath duth boüen ghe screüen / stede vnd(e) vaͤsst ghe holde(n) werden schal