Nah der borth Cristi vnses her(e)n¹ xv hunderth jar / vnnd(e) j jar heft hans roleües eyne rechte / vnnd veste orfaÿde geloüeth vnnd gesworenn / vnsen g(nedigen) h(eren) vann magdeb(o)r(ch) vnnd(e) halb(e)r(stad) siner / gnadenn Cappittel hinr(ik) vann(e) velthem to sinem / gelde dem rade to Osscher(sleuen) vnnd allenn / den vann Osschersleüe der gescheffte nu(m)mer² mher vp tho theÿndenn myth wordenn Edder warkenn / hee Efte jema(n)t vann siner wegenn vnnd dar / vor heft hee to borghen sath hinr(ik) schomeker tho / hademersleue Symon kreygen Tile schütten hinr(ik) / dreÿger dath duth boüen geschreüen stede vnnd / vast geholdenn werdenn schal /

Na³ der borth Cristi vnses heren(n) dusent vnd(e) / xcvij is ge scheyn van hans smede hefft / orfeyde gedan vnd(e) gesworen(n) vnsen g(nedigen) / h(eren) van(n) magdeburch vnd(e) halb(e)r(stad) siner gnad(en) / Capittel vn(de) den(e) vann(e) weltem(e) dem(e) rade / van(n) ossch(er)sleue vnde der gantze(n) gemeyne(n) / vor meck vnd(e) vor alle myne frunde vnd(e) frundes / frunde noch jeman(n)t van(n) myne(r) wege(n) der sake / nu(m)mer to dencken(n) edder wes dar v(m)me to / donden(n) edder to denken(n) edder de sake / wedder vp to thende(n) nü effte in⁴ thokome(n) // tiden(n) myt worden(n) edder myt werken(n) hey/melich edder openbar vnd(e) dar tho / hefft he to borge(n) satht⁵ heni(n)gh hinr(ik) / mathies wonafftich to helmestidde bor/gen(n) wo (et) alle to saghe /