Na der borth (cristi) dusent jar vnd(e) viff hu(n)de(r)t / jar vn(de) alseme i screff hath sick begheüen / jn clagen vn(de) jn sake(n) tvissche(n) hinr(ick) va(n) velthe(m) / ey(n) deẏl vn(de) Cord roleües ey(n) deẏl op / alle beste vortoneme(n)de dorch trüwer vorbede / des jrgena(n)ten(n) rades der Stadt Osschersle(ue)n / dat Cord roleües hat gebede(n) hinrick / va(n)n velthem vn(de) den(n) jrgena(n)te(n)n Radt / der Stadt Osschersleüen(n) jn ieghe(n)wor=/dicheẏt vn(de) jn biwesende der gantzen / gemeẏnheẏt hat gebeden(n) düsse vor=/ghena(n)te Cord Roleües Hinrick va(n)n / velthem vn(de) de jn biwesende der bede / geweszen(n) sẏn dath he ome wolde vo(re) geüe(n) / v(m)me goddes willen(n) we(n)te dat Cordt / roleües ghe dan hath dar hat he sick / vntüchtich jn gheoüeth vnde al dat / he dan hath dat hat he jn vnschult / ghe dhan forder welck parth cleẏgher / an ey(n)n de antwordes man dath / ander deẏl welck orer düsse pu(n)the // vnde vor gescreue(n) artikel nicht ent=/holt szo schal düsse vor dracht v(m)me / be festet weszen(n) jnparten(n) beẏden tho güde / Ock forder schal hir midde vor late(n) vn(de) / vor geüen(n) weszen(n) alle den(n) je(n)nen(n) de düs=/ser sake dorch bede er dorch vor denstes / weghe(n) vn(de) an alleme gru(n)de) de düsser / sake to schicke(n)de vnde to donde hat heb=/ben dorch vor soͤringhe düsse schedinge / hebbe wẏ vpp gemelten(n) jn jege(n)wordich(ei)t / perten(n) beẏder beste(n)n jn vszer Stadt / boke ghe screüen(n) vn(de) dar midde wẏ / ey(n) jowelken(n) be sorghe(n)n opp dat wẏ / hinrick van(n) velthe(m)m alze ey(n) klegher / vnde Cordt roleüesz alze eẏn antw(or)des / man hir midde sint sze gruͤ(n)tliken / ghe scheden . /