Wytlik de wy clawes hane ludeke Sin broder wonhaftigh to Basedowe eghard hane vnde / eghard sine sone wonhaftigh to kuchelmisse vn(de) bekennen vor allen Crysten luden de dessen / bref seen edder horen . leesen vn(de) betuͦghen openbar in desseme breue dat wy redeliken vn(de) / to eneme rechten kope hebbe(n) vor koft vn(de) vor kopen in desseme breue Den erliken lude(n) / den ratmannen to parchem de helfte van dessen ses dorpen alze clocowe veddowe lubowe / brocowe Sylepecowe vn(de) slote myd alleme rechte alzo wy Daͤt hebbe(n) hat vn(de) her reynbern / van mallin vn(de) sine brodere vn(de) eruen vor vs beseten . hebben . myd alleme rechte nuͦt vn(de) / brukelicheyt vn(de) scolen en . Des waren . Jar vn(de) dagh alzo en lantrecht is vn(de) alzo de breue / vt wysen . de de he(re)n den van . mallin gheuen hebbe(n) vppe Dat vorscreuene guͦt vn(de) wille(n) / em helpen to deme lene so wy best moghen . Dyt loue wy em in desseme breue entruw(en) / vn(de) myd samender hand stede vn(de) vast to holdende vn(de) hebbe(n) vse Yngheseghele to merer / to ? bewaringhe myd wyscop henghed vor dessen bref . de gheuen vn(de) screue(n) is to p(ar)chem / na goddes bord Dusent Jar drehundert in deme sos vnde sesteghesten Jare in sunte agha/ten . daghe . Thughe Desser dingh sint her hinric perner to panstorpe he(n)neke grabowe / hartwigh cassowe he(n)neke lutzowe vn(de) ander(e) guder lude gnoch de tughes wol wert sin ,