Vor allen bedderue(n) luͦden de dessen bref zeen edder hore(n) lezen be ke(n)ne ẏch ẏwan van redẏlestorpe / mẏt mẏne(n) rechten erfghename(n) dat wẏ hebben vor koft vrẏtze(n) van stendel dar tuͦ ghe neͮmet / muschate vnde zẏne(n) rechte(n) erue(n) dre hoͮuen to scharcẏn vnde achte schepel rocgen gheldes / in deme houe deme tuͦ schult anbachte ghe lecht heft in deme doͤrpe mẏ llerleẏe rechte desse / vorbenoͮmeden dre houen vnde achte schepel rocgen gheldes de hadden ghe leghe(n) tu mẏne(n) / borchlene dat ẏk hebbe vppe deme hiuze tu der mernitze de hebbe ẏk mẏt mẏne(n) ghuden wẏlle(n) / dar af vor koft vnde hebbe dar wedder tuͦ ghe lecht tuͦ ruͦne twe houen vnde tuͦ srẏbow(e) / ene houe(n) vnde achte schepel rocghen gheldes [...] schulden ok achal ẏk ẏwan van redylestorpe / vnde mẏne(n) rechte(n) erue(n) vrẏtze(n) vnde zẏne(n) re[chten er]ue(n) dat gut tu scharcẏn vor laten vor den / heren wan he dat van mẏ eschende ẏs vnd(e) [...] em des ghudes waren vor alle den de her en / recht komen wẏllen i(n) alle desse vorbenomeden [...] leue ẏc ẏwan van redelestorpe mẏt mẏne(n) / rechte(n) arfghename(n) stede vnde vast tuͦ holde[nde ane aller] Jengherleye arghelyst vrẏtzen van stendal / vnde zẏne(n) rechte(n) erfghename(n) Tu ener [groteren be] tuͦgẏnge hebbe ẏk ywan redystorpe mẏ be / radene(n) moͮde mẏn ẏnghezeghel an dessen [bref] ghe hanghen De ghe gheue(n) vnde schreue(n) ẏs / na godes bort drẏtteynhundert ẏar an dem [neg]hen vnde zesteghesten ẏare ẏn zuͦnte mẏchaelis / daghe des ersen engeles ,