In ghodes namen Amen . Wẏ Johan van ghodes gnaden here tuͦ werle be kennen vnde be thuͦghen openbare in desseme ieghenwardeghen / breue . Dat wẏ mẏd willen . vnde na rade vnzes truwen rades . man vnde stede . hebben ghe laten Vnde gheuen . her ludeken ? / pren ? prestere . Vnde der erliken vrowen ghesen de heẏne bercowen wif hadde wesen tẏ parchim . deme ghod gnedich sẏ . den eẏghen/dom ouer dat hus vnde den hof de to deme huse licht in der stat tẏ parchim . dat den vamme lobeke hord hadde . Dat de marscal het / Bẏ deme vicarien huse van deme hilghengheẏste . Dorh sunderliker gnade . Vnde denestes willen . den vns de vorbenomede her lu/deke eẏne Vakene vnde vele ghe dan heft . Vnde hebben en ok an deme suluͦen huse vnde houe allen borch denest . vnde bur denst / Vnde alle andere plicht . Vnde vnplicht . vrig quid leddich vnde los laten vnde gheuen . de vns vnde vnzen eruen edder ammetlude(n) / edder vnzen nakomelinghen van deme huse vnde houe van herscop weghene vnde van rechte tẏ boren mach . Vnde van den ratlude(n) / der stat tẏ parchẏm scotes wake vnde aller anderer stades plicht vnde vnplicht . quid leddich vnde los scolen wesen . Ock gheue wẏ / vnde laten deme vorbenomeden her ludeken vnde der vrowen . dat se dat hus vnde hof moghen lecghen tẏ eẏme ghestliken lene . also / tuͦ eẏner vicarige edder tuͦ twen . Edder tuͦ vor kopende tuͦ vor gheuende . eẏn istlik sine helfte edder beẏde tuͦ samende . Mede tuͦ duͦnde / vnde latende wes em euent tuͦ eẏme rechten erue vrig ewichliken tuͦ be sittende . Sunder alle be wernisse . vnde hinder vnser edd(er) / vnzer eruen edder nakomelinghe . edder gemendes mid rechte edder mid vreuele . Edder weme se na zẏck dat gheuen vor kopen edd(er) / laten . bẏ alder vrigheẏt . also vorescreuen steẏt ghentzliken tuͦ bliuende . Vppe dat vnze vor screuene gnade . ghaue vnde latinghe / van vns . edder van vnzen eruen edder nakomelinghen nu(m)mer wedder sproken werde . edder broken . so hebbe wẏ vnze grote in/ghzeghel vor dessen bref henghen laten . witliken vnde mẏd ghuden wẏllen . Desse bref is ghe gheuen vnde screuen tuͦ deme hok/berghe ? Na ghodes bord Drutteẏnhundert iar . Jn deme dre vnde seuenteghesten iare In deme sunnauende vor mẏdvasten . Tughe ? / vnzer ghaue . vnde latinghe sint desse erbaren vrowen lude . Johan van gralow(e) ridd(ere) ? her hinrick van plawe vnze kentzeler . hinrick cassow(e) borghermest(ere) tẏ parchim . vnde vele mer erbarer lude de truwe vnde louen werdich sint