Wy Johan van godes gnade here tuͦ werle beke(n)nen openbare Jn dessem breue Alze v(m)me dat borchleen . dat . de erliken knechten / he(n)neke vn(de) deneke brodere gheheten van weltzin . hebben vppe deme hus tuͦ parchem . dat wi myt vsen erue(n) . nemen vnde / ghenomen hebbe(n) van dessem vorbenomeden borchlene alle houen mit . eren hoͤuen vn(de) wuͤrder Mit alle ere(n) ghulde(n) / alse liggen Jn alle erer schede . an holte an velte an wate(re) an weyde(n) Mit alle erer tuͦ behoringe . vn(de) de korne pacht de / se hebben Jn der molen tuͦ parchem . vn(de) alle ghulde vn(de) tente(n) mẏt deme erue dat tuͦ deme borchlene hort . vn(de) hebbe(n) / dye vorbenomede gud vn(de) gulde gheleghen vn(de) ghegheue(n) . myt lene vn(de) myt erue tuͦ man rechte dessen vorbenomede(n) / broderen hen(n)eken vn(de) deneken vn(de) eren erue(n) . alzo dat se dat . beholden vn(de) besitten moghe(n) vn(de) sik nuͮtte maken . alze leen=/gud tuͦ man rechte vn(de) wi vn(de) vse erue(n) . scole(n) dar nynerleye borchgud noch borchrecht . ane voͦrderen noch behol=/den Hir ou(er) sint ghewest vse truwen hinrik smeker vn(de) Johan van grabow Riddere her hinric p(er)ner tuͦ parchem . / Moltzan van storczowe vn(de) lyppolt van leͤsten knechte vn(de) mer lude de loue(n) wolle werd sint Tuͦ tughe vn(de) / tuͦ bekantnisse desser dynk . so hebbe wi vorbenomede Johan he(re) tuͦ werle vor vs vn(de) . vor vse erue(n9 . vse ynghe=/seghel . tuͦ dessem breue laten hengen Na godes bord drutteynhundert Jar . Jn deme dre vn(de) seue(n)tighesten / Jare Jn su(n)te barbaren daghe . der hilghen Juncvrowen ,