Wi bernd vnde Johan vse sone laure(n)tius vn(de) Johan vrode(re) heren van gotes gnaden to werle / beke(n)ne(n) openbare in desme breue . dat wi mit vsen erue(n) vsen leuen truwen den erbaren / lude(n) vse man(n)en der lant to p(ar)chem vn(de) to deme goltb(er)gh scale(n) vn(de) wille(n) ghelden r(e)ddelke schulde de en / vse uedde(re) Johan deme god gnedich si schuldich was vn(de) uan r(e)ddelkeme . louede neme(n) dat se vor / em loued hadde(n) alle olde breue de r(e)ddelk sint de se uan der herscop hebbe(n) de scole wi vn(de) wille(n) / en holden alse . se vt wise(n) wat se van breue(n) de r(e)ddelk sint hebbe(n) van vse(n) uedde(re)n uorbenomed / edd(er) van sine(n) ede(re)n de scole wi en vornygen vn(de) andere breue gheue(n) alse de vt wise(n) vn(de) de sulue(n) / olde(n) breue bi aller macht beholde(n) vn(de) late(n) liker wys oft wi se en sulue(n) beseghelt vn(de) gheue(n) / hadde(n) wi scole(n) vn(de) wille(n) se ock bi alleme olde(n) r(e)chte(n) late(n) vn(de) neyne mede vor vnr(e)chte(n) Dit loue(n) / wi uorbenomede(n) here(n) uor vs vn(de) uor vse erue(n) vse(n) uorbenomede(n) ma(n)ne(n) Jn ghude(n) truwe(n) stede / vn(de) uast to holdende vn(de) hebbe(n) des to thughe vse Jngheseghele vor dessen bref late(n) henghe(n) De / gheue(n) is to p(ar)chem na godes bort durtteyn hu(n)dert jar Jn deme vere vn(de) soue(n)tigheste(n) jare / des dunredaghes na su(n)te lucien daghe der hilghe(n) Ju(n)cvrowen , hir ouer sint wese(n) vse / leue(n) truwe(n) hinrick lewetzow olrick moltzan hinrick smeker riddere her hinrick van / plaw perrer to p(ar)chem marquard nosse(n)tin Jacob lewetzow he(n)nigh kamptze knechte vn(de) / vele ghuder lude de loue(n) werdich sint /