In godes name(n) amen . Nod is der dingh . Dese scheen vn(de) Jeghene(n) i(n) der tyd myt beradene muͦde vn(de) godeme wille(n) . Dat me de stedeghe vn(de) vesteghe myt breue(n) edder / myt tuͦghe(n) lefdegher lude we(n)te des my(n)schen dachtnisse kranc vn(de) vorghenkelk is . Hir v(m)me is Dat wy ratma(n)ne der stad tuͦ parche(m) De nuͦ Jeghe(n)w(er)dich synt / vn(de) de noch tuͦ kome(n) moghe(n) . beke(n)ne(n) vn(de) betuͦghe(n) openbar i(n) desseme breue . vor alle(n) criste(n)lude(n) De desse(n) bref zeen edd(er) hore(n) lezen . Dat wy myt gantzer endracht / vn(de) wlbort vn(de) na rade vnser wiseste(n) . hebbe(n) vorkoft vn(de) Jeghe(n)w(er)dighe(n) vorkope(n) tuͦ eneme ewighe(n) kofte(n) kope reddelke(n) vn(de) rechtlke(n) ? . Deme wise(n) beschedene ma(n)ne / herma(n) van Oratel borgher tuͦ parche(m) vn(de) syne(n) r(e)chte(n) erue(n) . achte mark Jngeldes lub(escher) pe(n)i(n)ghe Jn deme dorpe tuͦ giscowe Dat dar licht i(n) der voghedie tuͦ parchem / alle iar vp tuͦ bore(n)de tuͦ su(n)te mycheles daghe . va(n) den houe(n) vn(de) vte de(n) høue(n) Dar nuͦ vppe wone(n) desse nascreuene lude alze Hinric bregherma(n) Dese gift sostehalue / mark lub(esch) . vn(de) Ju(n)ghe de(m)myn twe pu(n)t lub(esch) . edd(er) va(n) ere(n) nakomeli(n)ghe(n) de De houe(n) buͦwe(n) edd(er) de de høue besitte(n) . vor hu(n)dert mark vn(de) twelf mark lub(escher) pe(n)ni(n)ghe / De vns tuͦ noghe vn(de) tuͦ danke wol beret syn . myt aller vryheyt vn(de) nuͦttegheyt i(n) holte i(n) velde i(n) water i(n) weyde i(n) ackere ghebuͦwet vn(de) vnghebuͦwet . i(n) weghe(n) vn(de) / i(n) vnweghe(n) i(n) bruͦke(n) i(n) visscherye . myt denste . richte vn(de) broke tuͦ manrechte vrig vn(de) ewich tuͦ hebbe(n)de vn(de) tuͦ besitte(n)de su(n)der hinder vn(de) weddersprake . vnser vn(de) / vnser nakomeli(n)ghe . Dyt zulue guͦt mach herma(n) va(n) Oratel myt syne(n) fru(n)den pande(n) wa(n)ne vn(de) wo dicke em des nod is . vn(de) de pande vore(n) Dryue(n) vn(de) vringhe(n) in de stad / tuͦ parche(m)vn(de) vor syne jarlikes pleghe vt tuͦ sette(n)de su(n)der richte edd(er) broke . Ok scole wy vn(de) wille(n) dyt vorscreuene guͦt vorheghe(n) vn(de) deghedinghe(n) tuͦ alle syne(n) / noden wor des behoof is . vn(de) endfrige(n) va(n) aller ansprake . Ok mach herma(n) va(n) Oratel vn(de) syne erue(n) dyt vorbenomede guͦt vn(de) Jnghelt vorkope(n) vorbuͦte(n) vorgheue(n) / edder legghe(n) tuͦ ewighe(n) vicarie(n) . edder tuͦ ande(re)n milde(n) almisse(n) ghestlik edd(er) werlik wor em dat alder enenst ku(m)pt . vn(de) wille(n) ok desse vorscreuene lude edder ere / nakomeli(n)ghe de desse houe(n) buͦwe(n) edd(er) de høue besitte(n) nerghe(n)mede bezware(n) myt nyger bede . bescattinghe . edd(er) vmplicht edd(er) In(n)mant va(n) vnser weghene . vnde / gheue(n) ouer aldes Dat desseme breue tuͦ scade(n) kome(n) mach nerghe(n)mede tuͦ brekende edd(er) tuͦ hindernde . men wy vn(de) vnse nakomeli(n)ghe scole(n) vn(de) wille(n) dat also / holde(n) i(n) aller mate alze desse bref vtwiset . alle desse vorscreuene dingh loue wy ratma(n)ne der stad tuͦ parche(m) myt vnse(n) nakomeli(n)ghe(n) . Deme vorbenomeden / herma(n) va(n) Oratel borgher tuͦ parche(m) vn(de) syne(n) r(e)chte(n) erue(n) . vn(de) weme he dat gift edd(er) vorlet by wolmacht edd(er) i(n) krancheyt synes leue(n)des stede vn(de) vast tuͦ / holdende su(n)der alle arghelist vn(de) hulperede . Vnde hebbe(n) des tuͦ tuͦghe vn(de) tuͦ bekantnisse vnser stad Jnghezeghel myt vnser aller witscop vn(de) godeme willen / late(n) henghe(n) vor desse(n) bref . De gheue(n) vn(de) screue(n) is tuͦ parche(m) na godes bort Dusent iar Drehu(n)dert iar Jn deme vif vn(de) achtigheste(n) iare Jnsu(n)te marc(us) daghe / des hilghe(n) ewangeliste(n) . Hir ouer synt ghewezet Erlike wise lude alze her hinric va(n) plawe kerche(re) tuͦ su(n)te Juͦrien tuͦ parche(m) . Her gherd giscowe kerche(re) tuͦ / vnser vroͮwe(n) dar zulues . her meynard va(n) deme haghene p(re)stere . he(n)neke vn(de) deneke bruͦde(re) ghehete(n) weltzine knechte vn(de) mer guͦder lude de loue(n) wol / [werdich syn]