Vor allen cristen luden de dessen breff zeen . horen edder lesen Bekenne wii Her Thomas ghelebergh dek(e)n / her hinrik mu(n)ter her Johan grube kemerere her diderik koss kerkhere her Nicola(us) hertzebergh her hin=/rich mylenbeke vnde wii ande(re)n brodere vnde kalandes he(re)n des kalandes sunte Maryen magdeleuen in / vnser leuen vrowen kerken to parchem dat , wij redelken vnde rechtliken vorkoft hebben vnde Jeghenwar=/dighen vor kopen in dessem breue deme Beschedenen mane Clawes ma(n)ne borghe(re) to parchem Vnde / zinen rechten eruen dat ghud to brocolit mit zodaner rechticheyt vnde vrygheit als hans Roͤr / deme ghod gnedich zy dat sulue . ghud . her peter scherere prestere vor breuet heft vnde de sulue her / peter vnse leue broder deme ghod gnedich zi in zime testame(n)te vnsen he(re)n des kalandes vorbenomet / ghe gheuen heft tho bezittende tho brukende to hebbende vnde dar mede to donde als en dat be queme / ghe gheue(n) vnde be zeghelt heft den hebbe wi ghe dan vnde antwerdet clawes ma(n)ne vnde zine eruen / vnde den breff heft he mit vnsen willen hir vore heft vns clawes man ene(n) su(m)men pen(n)ighe tho der / nuͦghe wol bered vnde be tald ghantziken to danck . des to be kantnisse vnde to be warẏnghe hebbe . / wij deken kemere(n) . vnde kalandes brode(re) vorben(omet) vor vns vn(de) vor vnse nakomeli(n)ghe vnses kala(n)des / vnde broderschop Jnghezeghel . mit vnser aller witschop vn(de) willen henghen laten vor dessen breff / Na cristi ghe bord verteynhu(n)dert iar in dem twe vnde twy(n)tighesten iare in su(n)te peters vn8de) pawels / daghe dar ouer zind ghe wezet to tuͦghe her hinrik van pritze her Johan ratel her Marquard / marquardi . preste(re) vnde Johan molre hinrik rolenes Ratman(ne) to parchem vnde vele ander bedder/ue lude de louen vnde tughes wol werdich zyn ,