Vor allen luden Dẏe dissen breff zeen horen addir lezen bekenne Jk hans Cok Tideken Cokes sone dede Jchteswan(ne) Jn der Stad to parchem / wonafftich is ghewesin Dat Sodane twuuerdicheit ? Schel vnde rechticheit also Jk to der ergenam(ten) Stad to parchem dem rade Burghe(re)n / vnde Jnwone(re)n dar Sulues von mẏnes vederliken erues wegin Tideken Cokes selig(eren) hebbe ghehad wand an disse tijd offte hebben möchte / Jn welkerleẏe wijs addir wuͦr von de sulue schel ghewein sie vnde twisschen vns beẏden parten sik dar von ghemaket hefft js nv ? / Seuslik berecht vnde byghelecht also dat Jk vnde mẏne erue(n) noch nemend von vnsir wegen De Stad to parchem den rad burgeren vnd(e) / Jnwoner(en) dar sulich addir nemande von Erend wegin Sẏe vorder mer to Neẏne(n) tijden dar v(m)me andedingen schüllen Dar vor tho / berichtinge vnde guder vorruͦginge mik dẏe Ersame Clauwes voẏs burgirmeist(ere) der alden Stad magdeburg von des obenbenomeden rades / burge(re)n vnde Jnwone(re)n der Stad to parchen wegin gegeue(n) vnde to danke wol betalet hefft vẏertich stok alder ghemeẏner crütze grossn / vnde hefft mik von orend weghin gheantwerd orer Stad vorsegelde gheleẏdes breff dar Jnne sie sik ok vorschreuen vnde affticht alles / Scheles tosakinge vnde rechticheit ghedan hebben also sie to mik hadden offt(e) hebben muchten vnde Sowes Scheles vorscreue(ne) von vnsir / twiger parte wegin also dẏe twisschen vnd ghewesin is wend an desse tijd also datu(m) desses b(re)ues Jnne hold Js , also , eẏne berichtede / ghefredede vnde sonde sake An alle gheferde vnde Je(n)nigherleie weddirsprake Dan bẏ vnde oüer Sind ghewesin Dẏe Ersamen vnd(e) wijse(n) / luͦde also na schreue(n) Clauwes voẏs burghirmeister der alden Stad magdebuͥrg Cone Rode , heẏne we(n)nemer vnde bru(n) wantsleue Rades / Cu(m)pane hans harbscro vnde hans moringh burghir der gn(an)ten Stad Clauwes panchow vnde gregorius hoghe Radman(ne) von der Stad wegin / to parchem vnde thomerer bekantnisse So hebben wije Cone Rode vnde hans moringh(e) vorbenomet also dedingeslude der vorschreüe(nen) be=/richte(n) sake v(m)me bede wille(n) hans Cokes dessen breff mẏt vnsen anhangede(n) Jngegesegelen witliken vorsegild der Jk mik hans cok gelik / mẏne(n) eẏgin Jngesegil an dessem breüe ghebrüke wan Jk sulues neẏn Inges(egil) enhebbe Gegheue(n) nach der bort (cristi) vnses he(re)n xiiijc Jar dar / na Jn dem viffvndeferticheste(n) Jar(e) an dem Sondaghe vor sunte peder vnde pauwels daghe der hochgeloüeden hilghen ap[ostolen]