Wir friderich von Gotis gnaden lantg(re)ue zuͤ duringe(n) Marcg(re)ue zuͤ Misne vnd in deme Osterlande . vnd / herre in deme lande plisne . bekenne(n) ofenlich . an disem brẏfe . Gesche daz diͤ stad vnd daz / land zuͤ prentzlawe . an vns geuiͤle von Tote . vnsers swagers Marcg(re)uen ludewiges von / B(ra)ndenburch als siͤ vns gelobt . vnd gesworn haben . daz wir diͤ selbe stad das land . / vnd diͤ . Lute . lazen schuln bi allem rechte . bi . aller vriheit vnd bie aller gut(er) ge=/wonheit . di siͤ gehabd habn bie . den alden M(a)rcgr(e)ue(n) von B(ra)ndenburch vnd bie M(a)rcg(re)ue(n) / Ludewige vnsme swage(r) deme vorgna(n)ten , di siͤ mit brẏfen bewisen muͤgen Zuͤ ey̆m / orkunde hab(en) wir in disen brẏf lazen . geben . beuestent mit vnsme insegele , da bie / geweist sin(d) . vnse h(er)re bischof withige von Misne . vnse ome g(re)ue B(er)told vo(n) hennenber(g?) / Bosso von Mansueld Gunthe(r) von keue(r)nb(er)g ? diͤ greue(n) heinrich voẏt von plawe . d(er) ruze / gnand ist vnd anderr vrom(er) Lute gnok . ditz ist gesche . vnd dirre brif ist . gegebn / nach Gotis geburd tusend iar drẏhund(er)t iar in dem sẏbenundezwe(n)tzigistem ia(r)e an / der neisten Mittewochen . nach sente m(a)rgareten tagen