Wy woldemar von der genaden godes Tu B(ra)ndenborch . To lusitz . Tu Landesberch Markgre/ue vnde des heylighen Romeschen rikes ouerste kemerer Bekennen openbar vnde betuͦghen in / dessen briue. dat wy louen vnsen liuen getruͦwen borgeren vnser stat tu Prentzlaw wat mark/greue luͦdewich vnde dy Beygere suldich sin bleuen . dat man redelike bewisen mach dat schole wẏ / gelden . vort mer weret dat markgreue ludewich dy marke an sprike oder dy stat . dat schule / verantwerden . wor wy dat bilke(n) duͦn vp vnse penni(n)ghe vnde vnsen arbeit vnde vnse kost / vort mer loue wy on dat . dat wy willen ane laten gan . alle vnrechte tolle {rolle ?} vnde geleyde dat / seder ? {jeder ?} der tyt vp is komen sider dat wy vt deme lande sint gewesen . vort mer scholen dy beno/mede alles tolles vri wesen to Pozewolc vnde tu der lokenitz . tu watere vnde tu lan/de . vort mer loue wy dat dat wy scholen mannen vnde borgeren lyen ore guͦth nu tu desser / Tyd vor geued(en) ? Tv groter Bekanntnisse . hebbe wy vnse grote Jngesegele an dessen brif laten / henghen ; desser dinghe sint tughe . dy gewaldighen vorsten . hertoghe Rudolf . vnde hertoghe / otto van sassen vnse oymen . vnde greue Albrecht von anehalt vnse oyme . vnde dy edele man / greue Alb(ert) . van Barbẏ dy desse dink gededinghet hebben ; Gegheuen tu prentzlow nach godes / bort dritteynhunder {druteynhunder ?} iar in deme achtvndevirteghesten jare in deme negesten vrydaghe vor vn/ser vrowen daghe alse sy geboren wart ;