Wie Albrecht vnd woldem(ar) van der gnade goddis forsten van asschanien . vnd / greue(n) tuͦ Anhalt . Bekenne(n) ōpenbar . dat wie sculdich sien vnsen liue(n) t(ru)wen Ratman/ne(n) tuͦ premzlaw . vorghewẏn dat sie vns ghedan hebbe(n) huͦndirt puͦnt brande(n)b(ur)gisch(er) / pe(n)nẏnge . Were nuͦ dat vnd ennẏch ghelt velle in dissim lande oder hin vte in vn/sem lande twuͦsche(n) hir vnd sente mertẏns daghe . dar aff scolde wie sie betalen / des gheldis . Is des nicht so scole wie vnd witte(n) an doch die vorgenante(n) huͦnd(er)t / puͦnt . betalen als nuͦ tuͦ sente mertinus {Mertẏns} dach ouer eẏn ẏar . dat rede wie vnd / loue(n) en in dissim briue . Tuͦ orku(n)de hebbe wie dissin brieff gheue(n) na godes / ghebort dritteẏn huͦnd(er)t ẏar . In dem seue(n) vnd veftigisten yare In sente / margarete(n) auende d(er) heilige(n) Juncfrouwe(n) vorsegilt mit vnsem Jnges(ighele)