Wy claws guͦle vnde coppe guͦle hans vn(de) ghereke vnde gluͦghen brodere ghe/heyten dy guͦlen wy bekennen oppenba(r)e in vnsen bryue vor allen luden dÿ / dessen bryf syn eder horen lezen dat wy vor koft hebben deme erbarn manne / eckart {echart} melmekere dy eyn borgher ys thuͦ pre(n)zelaw vn(de) synen eruen dat syn / wrowesna(m)me eder mansna(m)me eyne houe thuͦ blȳgowe dy thuͦ louwenhagens houe / lechth {lecth} also sy vse uader {vader} beseten heft myd pachthe {pacthe} vn(de) tynse . dynst pennighe . vn(de) rok / huͦnre theghede vnde erwyten vnde mid alle me rechthe {recthe} suͦnder bede vn(de) waendyst / dat guͦt schole wy wor be nuͦmeden brodere vnde vnse styfmuͦder hennigh bonyrs / suͦster echarde melmekere vor laten vn(de) syne(n) wruͦnden vn(de) synen eruen vnde wyn / sy dat vor laten wyllen heben vor vsen heren den markg(re)uen van br(a)nden(borch) wan / hy hyr vppe eyn na kuͦmt vnde wan dat echart van vns heben wyl eder syne wruͦt [vrunt?] / eder syne eruen dat wy em dat vor laten scholen vnde wenne sy {wemesy} dat wor laten wil=/en hebben dat syn wrowesnam(m)e eder mansnam(m)e vor eyn latiyne¹ vn(de) vor eyne war/uͦnge also dat eyn lant recht ys dat wy em dat vor laten scholen dat loue wy vnde / vse wruͦnt luͦdeke van elynghe hennigh bonyr claws van den b(er)ghe vnde ghereke / guͦlen . echarde melmek(er)e vnde synen wruͦnden vn(de) syne(n) eruen {eruͮen} vnde thuͦ truͦer hant / meyst(er) henrych wyltb(er)ghe? her ian pozewalk vnde her arende ryghen prysteren . vnde hen/nig drensen . vn(de) sabel schadebach . vnde arende storme . ok loue wy met med eyn=/er zamender hant dat wy wylle(n) scafen wen hans vn(de) gluͦghen vn(de) ghereke mu(n)dych / werden dat sy dat guͦt scholen vor laten echarde vnde syne(n) eruen vn(de) wym sy dat vor / laten wyllen heben vnde scholen desse vor spraken wort stedych holden vn(de) wast ane en/gher hande wed(er) sprake . vnde were dat desser borghen ennych storue so schole wy / eynme(n) {eynne(n)} anderen so wys a(n) syn stede zetten vn(de) syn ingheze[g]el² med eme bryueke(n) hangen / an dessen bryf dar scal desse bryf nicht med thuͦ broken syn thuͦ eyner stedycheyt vn(de) / thuͦcnusse ? zo hebe wy vnse {vnsse} ingheze[g]el² med vnser wytschaf ghehan[g]en² an dessen bryf vnde is ghe geuen na godes bort³ duͦzent iar dryhuͦndert iar indeme zeuen {zouen} vnde / zesty[g]ensten Jare in suͦntte pawels daghe des hely[g]en aposteles.