Wÿe Ratma(n)ne der stad . tu pr(e)nzlaw {p(re)mzlaw} bekenne(n) op(e)nbar in dessen briue al den dẏe en sẏn oder horen lesen . Dat al dẏe twẏ/dracht . schelunghe {schelinghe} vnd(e) . vnmuͦt . dẏe die {sie} ghe wesen tuͦschen vns vnd(e) vns(er)n borgh(er)e heẏne Goltsmet . v(m)me dye lyu(n)ghe . des altar(es) / su(n)te laure(n)cij in der Capelle(n) tu su(n)te Jacobs met vns in der stad sie ghenstlik vnd(e) vru(n)tlik be Richtet tuschen em vnd(e) vns jn / stede vru(n)tschap . Guͦnste vnd(e) . Gude also dat al dẏ schelu(n)ghe vnd(e) vnmuͦt . die . tuschen vns die {sie} ghe wes(e)n nu(m)mer mer scal ghe/dacht w(er)den an beyd(e)n sÿden wed(er) van om odir van sẏne(n) vru(n)den noch van vns . Vnd(e) is vortmer be Richtet in so daner wẏse / als hir na steẏt ghe screue(n) . also dat wẏe dorch gude vride {vnd(e)} eẏndrafticheit hebb(e)n ghe ghu(n)net met gud(e)n willen dat her / Rudolf swane(n)b(er)g dat altar su(n)te laure(n)cij . dat dar steit met vns in dẏe cap(e)lle su(n)te Jacobs scal hebb(e)n vnd(e) vnd(e) behold(e)n dẏe / wẏle dat hẏe leuͦet . vnd(e) nach syme dode so hebbe wẏe vortmer ghe ghu(n)net . heẏne(n) goltsmede vnd(e) sine(n) Rechte(n) erfna=/me(n) it sin ma(n)sname(n) od(ir) vrouwe(n)name(n) . dat sie mochten {nochten ?} nach hern Rudolfs dode scole(n) be hold(e)n vnd(e) hebb(e)n twe lẏu(n)ghe / die irsten di nach her Rudolfes dode kome(n) . also dat sie dat altar moghen lẏen twen papen eẏne(n) nach den anderen . / nach hern Rudolfes dode weme dat si wille(n) . vnd(e) we(n)ne den di twe papen dot sẏn nach hern Rudolfe . so scal denne dye lÿun/ghe . vallen an der stad vnd(e) kome(n) ewichliken . vnd(e) denne twe der oldesten uͦt deme Rade der stad . scolen dat altar lẏgen / dorch god weme dat sie willen . vnd(e) w(er)et ok dat her Rudolf odir dẏe den dat altar vor leghen worde¹ nach syme dode . van heẏ/ne(n) goltsmede² od(ir) van sine(n) erfname(n) dat altar wold(e)n vor wẏsselen . die wẏle dat si ghe su(n)t were(n) . v(m)me eyne kerken oder v(m)me eẏn / ander altar . dar hebbe wye . ok vns(ir)n gantzen wille(n) tu ghe gheue(n) . vnd(e) dat scal wed(er) vns nicht sẏn . vnd(e) dat scal heẏne(n) / goltsmede vnd(e) syne(n) erfname(n) it sẏn ma(n)sname(n) od(ir) vrouwe(n)name(n) an den twen lyu(n)ghen der wye en ghe ghu(n)net hebben / nach hern Rudolfs dode nicht schad(e)n mochte {nochte} hynde(r)n . W(er)et ouͦer dat sie dat duͦn wold(e)n . in irre krackheit . so scal dẏe / wisselu(n)ghe en gheine macht hebb(e)n . Tughe dess(ir) vor be screue(n) ding sint Jacob sabelstorp . steph(en) van stendal hinrick / bysm(a)rck ? hinr(ick) b(er)tecow? Gher(d) lucif(er) . hentzs(en?) {hentzso} scroder . Thẏd(eke) tzolchow Curd blingow Thẏd(eke) midd(e)nwolde . he(n)ni(n)g van den / b(er)ghe Ghermk(e)? Jode Nicol(aus) brabant Ratma(n)ne desses Jeghenwordighen Jares . vnd(e) dẏe wÿsen lude her hinrik wiltb(er)g her / wolt(er) brussow priste(r) . vnd(e) Claws valkenhaghen vnd(e) h(er)man brussow borghe(r) vns(er) stat vnd(e) and(er)e bed(er)ue lude ghe nuͦch tu / eẏner merer wẏsheẏt vnd(e) tughinghe so hebbe wẏ vns(er) stat grotzste Jnseghil an dessen brif laten hanghen die ghe gheue(n) / is Nach godes bort dritteinhu(n)dert {drittem... ?} Jar dar nach Jn den achte vnd(e) sestichsten Jare des so(n)aue(nde) {so(n)aue(n)des} vor den su(n)daghe als men / synghet oculi mer {mei ?} semp(er)