Wẏe Otto van gotis gnaden m(ar)ckgreue tu brand(enborch) . bekenne(n) openbar in dessen briue . dat vnse / lyue(n) ghetruwen Ratmanne(n) . vnd(e) ghe meẏne burghe(re) . vnsir stat tu p(re)mzlaw . vns ghe wnnen / hebb(e)n vpp . vẏrteẏn hu(n)dirt m(a)rk . vnd(e) drittich m(a)rk b(ra)nd(enburschen) silu(er)es . dẏe sẏe an Redeme b(ra)nd(enburgeschen) silu(er)e / vor vns hebb(e)n ut ghe gheue(n) . dẏe wyl wẏe vnd(e) . scolen met gud(e)n willen en weder gheue(n) . vnde / be talen . tusschen . dẏt vnd(e) wynnacht(e)n die neghest ku(m)pt . met Redeme silu(er)e sundir vor toch . / War wẏ des nicht en duͦn . so loue wẏe dat . en truwen den Ratma(n)nen . vnd(e) den ghe meẏnen . / burghere der vor sproken stat . dat . wẏe en willen vor briue(n) . dat . sẏe vnse orbede dye sẏ vns alle / jarlick plichtich sẏnt . vnd(e) wes vns ghe vallen van des sculten gherichte in der stat . scolen / boren vnd(e) vpp neme(n) bet . an der tẏt dat wẏ oder vnse nakomelinghe en dat vor sproken gheld / weder be reẏdet hebb(e)n vnd(e) betalet met Redeme silu(er)e wulkome(n) vnd(e) . al . vnd(e) wan er wye od(er) / vnse nakomelinghe en dat vor sproken gheld . weder bereẏdet hebb(e)n vnd(e) betalet . so scal wye orbe/de . vnd(e) dẏe nuͦt . des ghe richtes . weder kome(n) tu vns als it er ghe westt {oder weset} heft . Desser vor / be scriue(ne) ding sẏnt tughe dẏe Erbarem lude vnde heren her dẏdrik van der schulenb(or)g / bẏsscop tu brand(enborg) . hermen wulkowe . Borchard van den stenb(er)ghe . Lyppold van bredow m(a)rschalk / Rydde(r) Claws bẏsm(a)rk houemest(er) . Ghenard van alue(n)sleue Claws Rore . fred(erick) van steghelitz vnse / voeghede . hinrick van der schulenb(or)g . heni(n)g van steghelitz knap(e)n . vnd(e) ande(re) bed(er)ue lude ghe / nuch . den wol tu ghe loue(n)de is . Des tu eẏner be tughinghe vnd(e) eyner merer wysheẏt so hebbe / wẏ vnse Inseghil an dessyn brif laten hanghen . Dẏ ghe gheue(n) is tu p(re)mzlaw . Nach gotis ghe/bort dritteinhu(n)d(er)t jar dar na . in den neghen vnd(e) sestichsten . jare des vrẏdaghes vor sunte / sẏmon(is) et jude dach der heẏlighen apostolen