Jch he(n)nigh hoghe(n)warde zakeweldyghe vnde iorden wredenwolde . claws bonir . gheuert spere(n)wolde / vnde gherecke guͦle medelouere wy beke(n)ne(n) alle in vnse opene(n) bryue dat wy ghelou(et) hebbe(n) entruͦe(n) / met eyner zamede(n) hant egharde melmke(n) borgh(er)e tuͦ pr(e)nzslaw {p(re)ntzlaw} vnde zyne(n) erue(n) vn(de) syne(n) wrunde(n) he(n)/nigh dransen . thyde strod {scrode(re)} wranke eszele claws drense(n) cleme(n)ze buͦt vor he(n)nigh hoghe(n)warde(n) wrowe / dat sy vorlate(n) schal vnde nuͦme meyr dar vp zake(n) al eyr lyfghedinghe dat zy van guͦlen heft ghe / hat in den dorpe tuͦ blyngow vnde sy schal . dat vorlate(n) wyme eghart eder syn erue(n) . eder syne wru(n)t / dat vorlate(n) wille(n) hebbe(n) wen vnse here des landes vp desse egghe kuͦmt vnde sy schal em ed(ir) syne(n) / erue(n) ed(ir) syne(n) wruͦnde(n) des guͦdes eyn ghewere syn alzo dat eyn lantrecht is vnde och loue wy alle wer(es) / dat desser borghe(n) ennich storue eyr desse dingh wlgheholde(n) worde(n) dat wy en eyne(n) ande(re)n borghe(n) alzo / wis indes doden stede zette(n) schole(n) by(n)ne(n) eyner mant vnde syn inghezeghel met eyne(n) cleyne(n) briueke(n) / ne an {in} des doden schade {schede ?} tuͦ . . hanghe(n)de dar mede schal desse bryf nich uals {vals} zyn . vnde thuͦ tuͦghe alle desser / dingh dy vorgeschreue(n) synt zo hebbe wy met vnser volborth {wlborch} vnze inghezeghil late(n) hanghe(n) an dessen / bryf dy ghegheue(n) is na godes bort drutteyn hundert jar indeme achthe {acthe}? vnde zoue(n)thygheste(n) / iare indes hylghe(n) suntte iuͦrigens daghe.