Wi Ratman(n)e der stat tu woldeghe bekenne(n) vn(de) betugen op(en)ba(r)e {ap(e)nbar} jn dessen Briue vor alle den di en syͤn edder hore(n) / lesen dat tzabel luberstorp vn(de) wilke ma(n)diͦtuͦel (?) {ma(n)duͦuͦel} van der stat wegen tu premslav vn(de) arnt kurdes vn(de) heine Rode=/lyn van claus hulses wegen hebben gededi(n)gh(et) eyne gantze sone vn(de) fru(n)tscap dor {dar} v(m)me dat claus huls hadde / tuͤ roken {gesproken} der stat tu p(re)mslaw v(m)me sinen bruͦd(er)e hans Repsleger dat si em ene affgedodet scholde(n) / hebben . des hebbe(n) di vier vorbuͦnuͦmeden luͦde em an beiden tziden ene fru(n)tscap vn(de) sone gesproken alsoda=/ne wyͤs dat di Ratma(n) van pre(m)slaw scholen gheue(n) clauͦs hulse hu(n)dert mark stetynscher pe(n)ni(n)ghe . des hefft / clauͦs huls gelouet vor vns . den Ratma(ne) vn(de) der gantzen stat tu premslaw {premslav} ene gantze sone vn(de) fru(n)tscap alzo / dat hi vn(de) alle sine fru(n)t geboren vn(de) vngeboren dar nu(m)mer vpp saken scolen vn(de) willen . desser dink sint tu-/ghe hen(n)i(n)gh scharpe(n)b(er)g . arnt kokebolle . ha(n)s premslaw {premslav} : ruloff westfal . hans wroͮdes . reineke becker . beteke wro=/dov . hans clinghenb(er)gh . tzabel reb(er)g. toppe {coppe} stefens . wilke scharpenb(er)g zacha(r)ias ratley {rattey} . reineke geltmer . / heneke ruloff . h(er)man vilem . tideke huls . ratma(n)ne des ieghenwardigen yares vn(de) sweder schulte vnde / and(er)e lude genuͦch den tu louende is . des tu eyner betughinghe vn(de) ener merer wisheit so hebbe wi Rat=/ma(n)ne vn(de) schulte der Ergena(n)te(n) stat woldeghe jngesegile met witscap an dessyn {desszn} briff laten hanghen / dyͤ gegeue(n) is nach godes gebort drutteinhundert Jar dar na jn deme achte(n)tichgsten iare des negeste(n) / sundages na mathei des helgen apostele