Jn godes namen Amen Vor allen cristen luͦden dy dessen briff sẏn odir hore(n) lesen Bekenne wi hasso van bla(n)ke(n)borch / vnd hans kluͦtzow knapen wonafftich tuͦ wulueshagen sakeweldigen in dessen nascreuen stuͦcken , dat her lippold / van bredow . vnd sabel scadebak Ebel van arnym . claus van holtzendorp peter van bredow vnd arnd kru(m)=/mense gededinghet hebb(e)n tuͦschen vns vnd den ratluͦden . vnd den w(er)ken vnd guͦlden vnd den meyne(n) borgern {boͤrgern} / der stat tuͦ p(re)mzslaw dẏ nu sint vnd nakomen moͤgen Ene ewige stede sone . v(m)me alle dẏ twidracht vnd schelu(n)ge {schelui(n)ge ?} / dat dẏ boͤrge(re) van p(re)mzslaw kluͦtzowen vnd sine vruͦnt sluͦghen van vnses herren rechte . vor der stat tuͦ p(re)mszlaw vnd / sluͤgen em aff sinen buͦuͦr van dedelow kerchoue . bynne(n) der stat geleyde . dat deme gantzen rade vnd den vyr werken vnd / den gulden leyt was , dar wi ere viande v(m)me worden , wes wi dar v(m)me gedan hebben mit vnsen vruͤnden odir vnse / vruͦnt van vns(ir) wegen vp dẏ stat vnd vp dẏ boͤrg(er)e , an dotslage an knokenhowende an roue an brande an dingnisse an / vanghenen . odir an {in} welker mathe wi en mogen scaden tu toͤghen hebben wo me den scaden nomen kan , dar hebbe(n) dẏ ratluͦde / vnd dẏ stat tuͦ p(re)mzslaw vnd dẏ meynen boͤrge(re) dẏ nu sint vnd nakomen moͤgen Ene stede . berichtede . ewighe sone v(m)me mit / vns , w(er)et ouer dat ymant deme ande(re)n wes gelouet hedde odir sculdich w(er)e . dar v(m)me scal hẏ ene manen tuͦ rechte . dat scal / dess(ir) sone vnhinderlik wesen ane , vanghen vnd dingnisse dẏ scoͤlen loos wesen , vortm(er) wes dẏ van p(re)mzslaw gedan hebben / in deme suͦluen krige vp dẏ van dedelow vnd vp vns vnd vp vnse vruͦnt an morde . odir an scaden wo sẏ den gedan hebben / dar scoͤlen sy nootlos v(m)me wesen , vortm(er) w(er)et dat vnse herre dẏ m(ar)cgreue odir sine voͤgede odir sine amptluͦde wolden vns / an dedingen odir vnse eruen odir vnse vruͦnt dẏ mit vns in deme krige weset sint . v(m)me des wille dat wi vp sẏ gedan hebb(e)n / dar scoͤlen dẏ van p(re)mzslaw vns aff nemen , vortm(er) alse v(m)me peter meyg(er)e den dẏ boͤrg(er)e van p(re)mzslaw kluͦtzowen vor vnses / herren rechte nyͤmen . wes em geschyn is van vns . dar loͤuen dẏ van p(re)mzslaw vorgenomet . vns ene sone vor . dat peter odir / sine eruen odir sine vruͦnt dar nicht meer vp saken scoͤlen v(m)me dẏ sake vp vns odir vp vnse eruen odir vp vnse vruͦnt , Hyr / mede scal alle dingh berichtet wesen dat in desseme krige is vp gestan alse hir vorbescreuen steẏt tuͦschen vns hassen van blan=/kenborch vnd hans kluͦtzowen vnd vnsen eruen vnd vnsen vruͦnden . vnd den ratluͦden . vnd den meynen borgern van p(re)mz=/slaw , vnd ene ewighe sone vor boren vnd vor vngeboren , dẏt loue wi hasso vnd hans kluͦtzow vorgenomet sakeweldigen / vor vns vnd vor vnse eruen dẏ nu sint vnd nakomen moghen mẏt vnsen boͤrgen dẏ hir na screuen stan alse albrecht / vnd hermen vedde(re)n geheyten van blankenborch , sabel scadebak ebel van arnẏm claus . poppe . vnd rubrecht vnd sabel / tu kutzerogghe alle ghe heyten van holtzendorp , mit ener rechten sameden hant stede vnd vast tuͦ holdende sunder allerleye / argelist , den vorgenomeden ratluͦden vnd meyne(n) borgern der stat tuͦ p(re)mzslaw vnd her lippolde van bredow eine hoͤuetman=/ne in der m(ar)ke des m(ar)cg(re)uen¹ tu brandemborch vnd pet(er)e van bredow . henni(n)ghe van stegelitze dy wonet tuͦ temmen . ber=/tra(m)me vnd Janema(n)ne van grifemberge veddern dy wonen tuͦ grifemberge otten vnd otten vedde(re)n van holtzendorp / dẏ wone tuͦ Jagow , vnd Eggard wulue dẏ wonet tuͦ vorstenwerder Tu tuͦghe alle diss(ir) dingh hebbe wi vorgenanten / alle vns(ir) aller ingesegile mit gantzer witscap vnd mit vulbort an dessen briff laten henghen . dẏ geuen vnd screuen / is tuͦ p(re)mzslaw na godes bort druͦtteynhundert Jar dar na in deme vyr vnd achtentichsten jare des middewekes in der / yrsten vullen weke vastene