Ik bernt sch(er)necow knape wonaftich tu boͤmgarde beke(n)ne op(e)nbar i(n) desme briue / dat ik mid wille(n) mẏn(er) vrund hebbe vor koft vnd(e) vor kope den vorsichtige(n) luden / tẏdeke neggellin vnd(e) sime sone hans neggelin borg(er)e tu prẏmtzlaw eẏne(n) werder / i(n) deme sulu(e)n dorpe tu boͤmgarde dar nu vp sit dordensteen mid alme rechte / ouerste vnd(e) nederste vnd(e) mid all(er) vrucht dẏ dar af valle(n) mach v(m)me viiff m(a)rk / b(ra)nd(e)nborg(isch) suluers tu eẏ(nem)¹ wedd(er) kope , alzo , dat vns(ir) eẏn den and(er)n mach vnd(e) scal vp / Seggen tu su(n)te joha(n)nis baptiste(n) daghe vnd(e) dar na tu su(n)te mertins daghe scal ik / ed(er) mẏn erue(n) em viiff {vijff} m(a)rk suluers wedd(er) gheue(n) do wẏ des nicht so scolen se / macht hebb(e)n tu vor kope(n)de den werder wenne {weme} se will(e)n vnd(e) so scole wẏ deme / kopere so da(n)ne bewaringe don alz ik hebbe em nu ghedan desse vorsc(re)uen dink / loue ik bernt vnd(e) mid mẏ mine brod(er) nicol vnd(e) achim sch(er)necow vnd(e) mine / vedde(re)n coppe sch(er)necow vnd(e) clawes sch(er)necow mit eẏn(er) samd(e)n hand stede vnd(e) vast / ewich tu hold(e)nde tu eẏ(me)* tughe hebbe wẏ alle vorscreue(ne)¹ vnse jngesegel lat(e)n ha(n)=/ghe(n) vor desse(n) brif gegheu(en) vnd(e) gedan na godes bord drutteẏn hvndert / iar jn deme viir vnd(e) achtighe(sten) iare des svndaghes vor su(n)te mertins daghe / inder stat tu prẏmtzlaw dar is ouer weset clawes braband arnt vadd(r)ian / borgh(er)e dar sulues vnd(e) h(er) hinrik vulrad eẏn prist(er)e vnd(e) meer lude