Jn godis name(n) amen vor all(i)n c(ri)sten luden dar desse briff vorku(m)et Beke(n)ne wi Ratma(n)ne der stat tu p(re)m=/czlaw {p(re)m=/tzlaw} di nuͤ sint vn(de) di tu kome(n) dat wi vorkoft hebb(i)n vn(de) vorkope(n) met dess(i)n briue den arme(n) lude(n) met / vns tu su(n)te Juriens negen pu(n)t b(ra)nd(enborghesche) pe(n)ni(n)ghe pachtis in dem dorpe tu blingow ses pu(n)t vppe dren / huue(n) di lighen tu dem houe dar nue vp wonet matens(?) vn(de) drie pu(n)t b(ra)nd(enborghesche) vp anderhalue hunue {huue} tu sine(m) / houe clawes michilis tu besitte(n)de vn(de) tu bore(n)de tu erer voͮdi(n)ghe alle jar vp su(n)te merte(ns) dach van / ere(n) vorstende(re)n di tu der tyͤd sint vredelike sundir hinder vn(de) wedersprake vn(de) wi scolen vn(de) will(i)n / em des copis en gewer sin dar hebb(i)n vns ere vorstende(re) alze arnt slepecov vn(de) clawes carntzow vor / betalet negentich m(ar)k b(ra)nd(enborghesche) sulue(re)s dar hebbe wi mede geloset negen pu(n)t b(ra)nd(nenborghesche) tynses van deme / nygen lande vn(de) dar an hebb(i)n si vns gegu(n)t enes wedercopes alze wa(n)ner (?) wi eder vnse nako/meli(n)ghe di nege(n) pu(n)t pachtis will(i)n weder cope(n) dat scole wi ere(n) vorstende(re)n di de(n)ne sint seghen en / half iar tu vore(n) vn(de) wa(n)ne dat halue iar v(m)me ku(m)met scole wi em weder geue(n) nege(n)tich m(ar)k b(ra)nd(e)nb(orghesche) sulue(re)s / sunder vortoch desser vorscreue(n) ding sint tuge Egerd(?) melmek(er) rule calue(n) arnt cok hintze scroder / he(n)ni(n)gh halle frentze damerov pet(er) bolte rule kule he(n)ni(n)gh slut(er) hans vore(n)wolde hans nydam vnd / herme(n) tutzweroghe {tutzeroghe} (?) ratma(n)ne tu p(re)mtzlaw des iege(n)wardige(n) iares vn(de) mer lude di loue(n)sverdich {laue(n) werdich} sint / Tu merer betugu(n)ghe hebbe wi vnsir stat ingesegil an dess(i)n brif laten henghen veue(n) {Geue(n)} na godis / bord dusent iar drie hundert iar dar na in deme seuͦen vn(de) achte(n)tichsten iare des negestes da=/ges vor sunte margarete(n) dage der hiligen juncvrouwen