Ik ludeke vornan(n)en Bekenne vor my vnd vor mẏnen {minen} knecht clause Jndessem Jegenwardegen opennen brife vor alle dy ghene darhi vor/kumpt dat wy nenerleige sake willen noch scholen hebben noch schelinge eder mani(n)ge Jegen den rad vnd gemeynen borge(re)n der stat thu premzlaw / dy nuͤ sint vnd nathukomende sint vm(m)e dy schelinge vnd sake dar v(m)me wy worden gesettet inden stokg vnd ingehechte hir v(m)me dat ik met / mime knechte clause vt der stat thu premzlaw reit vnd dar wedder in ane wetent vnd gehute {gehite} der ratmanne , thu premzlaw vnd royueden des / hertogen lant van stetyn {stetin)} binnen der he(re)n ffrede dar schole wy vnd willen wy vnde vnse eruen vnd alle vnse ffrunt dy nue sint vnd(e) alle vnse / nakomellinge immer (?){nu(m)mer} vp saken met nenerleige dingh noch nen(er)leige wyes Jeghen {den} rat vnd den gemeynen borge(re)n der vorbenu(m)den stat / thu premzlaw sunder et schal gantz thu ende gesunet vnd berichtet wesen met eyner gantzen guden sune inghuder ffruntscap vnd scal / van vns noch van allen vnsen frunden vnd allen nakomellingen immer {nu(m)mer} gedacht werden nach {noch} met arge immer {nu(m)mer} vpgetvgen {vpgetogen} werden Jegen / dy vorbenu(m)den ratmanne vnd gemeynen borge(re)n der stat thu premzlaw , weret ok dat vnse h(er)e dy marg(re)uen {margg(re)uen} van deme hertegen van stetin / vme den fredebrake vorde angededinget vnd vnse h(er)e dy marg(re)ue {margg(re)uen} eder syne houetlude vort den rat van premzlaw andedingede , eder vnse / h(er)e dy marg(re)ue {margg(re)uen} eder syne houetlude sy besunde(re)n dar v(m)me andedingede dat sy vnsem he(re)n eder synen houetluden des musten benemen So / scole wy sakeweldegen {sakeveldegen} vorgescreuen vnd nagesc(re)uen borgen vnd willen des deme rade der stat thu premzlaw gantz vnd alle thu ende vte (?) / Jegen vnseme he(re)n deme margg(re)uen eder synen houetluden benemen ledyghen {ledvghen vnd losen} vnd lasen ane allerleye wedersprake hulprede vnd vor=/tvch vnd w(er)e dat wy sakeweldegen vnd borgen des deme rade thu premzlaw nicht benymen {benẏ} Jegen vnsem he(re)n deme margg(re)uen eder Jegen / synen houetluden vnd desse vorgesc(re)uen berichtinge vnd sune nicht geholden worde so scole wy sakeweldegen vorgescreuen vnd(e) na=/gesc(re)uen borgen Jnriden in dy stat thu premzlaw wen vns dy rat der stat thu premzlaw dar v(m)me inmanet vnd(e) dar nicht vtscheiden / dy ratmanne vnd gemeynen borger der stat thu premzlaw sint denne aller ansprake v(m)me dy sake vnd schaden oft dy suͤne vnd(e) / berichtinge nicht geholden wvrde gentzliken {werde gentzleken} thuende vt benomen Alle desse vorgesc(re)uen stucke vnd(e) artikelle alle met enander / vnd eyn islik besunde(re)n vysik(?) loue wy vorgesc(re)uen ludeke vorna(n)nen vnd myn knecht claus sakeweldegen {sakeueldegen oder sakeveldegen} Claus vorna(n)nen ludeke / van deme borge frederik van holtzendorp hans van deme berge ludeke {van} arnstorp borgen Jn ghuden truwen deme rade der / stat thu premzlaw olde vnd nyghe {nẏghe} vnd den vur {vir} werken vortmer den gemeynen borge(re)n der vorbenu(m)den stat thu premzlaw met / eyner gesamden hant stede vnd vaste thu holdende ane allerleige argelist vnd(e) allerleige hulprede Thu thuge vnd merer wisheit / vnd bekentnisse alle desser vorgesc(re)uen stucke vnd(e) artikel hebbe wy vorgesc(re)uen sakeweldegen vnd(e) borgen vnser aller inge=/segelle alle met enander met ghuder witschat met ghuden willen vnd met wulbedachtem {wolbedachtem} mude an dessen briff laten / hangen dy gegeuen is nach godes gebort drutteyn hundert iar dar nach indeme twe vnd negentegestem iare des negeste(n) / dinstages nach dem sundage mitvasten alse man singet leta(r)e Jherusalem