Ik gerke van melshalte Bekenne vnd(e) Bethuge apenbar indessem briue vor alle(n) den dar / hi vorkumpt dat die sake dar vm(m)e ik angehechte kome(n) was thu prempslaw van mathias eikhorstes / wege(n) eyne(m) borge(re) dar sulues thu prempslaw di sake is gantz vnd(e) sal {al} thu eyne(m) gantze(n) ende be=/suͤnet vnd(e) entrichtet vnd(e) schal gantz thu ewig(er) thiid vorachtet vnd(e) besuͤnet {besunet} bliue(n) vnd(e) ik noch / myne frunde eder ymand van myner wege(n) scolen noch welle(n) {wille(n)} die sake met arge vpthin noch / der gedenke met arge Jegen dy radman(ne) der stad thu prempslaw noch Jegen die vurwerken {virwerken} / noch Jege(n) dy gemeyne(n) {gemeẏne(n)} borge(re) noch Jegen mathias eikhorste noch Jegen yͤmande vt der stad / thu prempslaw nim(m)er {nu(m)mer} mer sunder die sake schal thu ewig(er) thiid vorachtet vn(de) {vnd(e)} besunet bliue(n) / vnd ik noch myne brude(re) scole(n) noch wille(n) {will(e)n} vns ny(m)mer vorgripe(n) an der stad prempslaw noch / an die gemeyne(n) {gemeẏne(n)} borge(re) noch an ymande . vt der stad noch die stad eder ymande dar vt beschedige / wi en moge(n) denne dat met eren dun vn(de) sy vns(er) {vns(er)} herren krich . Allen desse vorgesc(re)ue(n) stucke / vnd artikelle loue ik gerke van melshalte vn(de) myne frund met my vn(de) {vnd(e)} vur ? my alze syuerd / vnd rule myne brude(re) genumet van melshalte vn(de) {vnd(e)} hans van melshalte vnse vedder hen(n)i(n)gh / van reeborge gyse wichme(n)storp vn(de) {vnd(e)} syuerd cluttzowe vn(de) {vnd(e)} wi borge(n) vulku(n)de(n) alle(n) vorgescreuen / dink vnd loue(n) dye den radma(n) der gena(n)de(n) stad vnd(e) den vurwerke(n) {virwerke(n)} vn(de) den gemeyne(n) borge(re)n / vnd alle(n) eren nakomellinge {nakomellinghe} dat en alle(n) dink vorgesc(re)ue(n) vn(de) {vnd(e)} suͤne gentzlike(n) vn(de) {vnd(e)} vnvortoge / geholde(n) schole(n) werde(n) sunder alle hulprede vn(de) {vnd(e)} alle arch vn(de) {vnd(e)} hebbe des thu orkunde vn(de) {vnd(e)} merer / wisheit alz ik gerke vorgenuͤmet sakeweldige vn(de) {vnd(e)} wi borge(n) alle vorgesc(re)ue(n) vns(er) aller ingesegel / met guden will(e)n vnd wetende an dessen briff laten henghe(n) gegeue(n) nach godes bord / druttey(n)hundert Jar darnach indeme achte vnd(e) negentegeste(n) Ja(r)e am su(n)nauende nach sunte / mechil(e)s daghe des hilge(n) ertzeengels