Buͦsse von solttowe . hatde eẏnen w(er)ren . mit der / stat to quedelingb(or)ch . de qua(m) alsus to . Heẏse sin broder / was der stat veruestede man . Do veng heẏse enen / vser borghere . dar to lech eme busso von solttowe / eẏn perd . Dar vmme gaf de rat bussen schult . De / wile dat de rat mit bussen degedinghede . do lep / busso von solttowe weg . Do trat de rat eme na . / vn(de) andere vse borghere . vn(de) eẏn des vanghenden / vruͦnt . de wndede bussen . vn(de) bragte(n) vor den rat . / Do wart busse voruestet . Des heuet sich busse / van solttowe berichtet . vn(de) heuet der stat eẏne / oruede dan . vn(de) heuet sech berichtet mit deme / de ene wuͦdede . vn(de) de gheuanghen was / Vor de orueẏde . de busse van solttowe . heuet ghe=/sworen der stat . heuet ghelovet sin sone . busse . / vn(de) heneke bussen broder . vn(de) claves sin sone . vn(de) / hannes knoke . vn(de) heẏse hildebrandes . vn(de) heneke / lapitide . vn(de) heneke schele kemerere . vn(de) ebeling / van tweuelendorp . Conrat cleẏne smed /

Actu(m) . Anno d(o)m(ini) . mº . cccº . xviiº Jn die b(e)ate Lucie v(ir)g(inis)