We Jutte von ghodes gnaden En Abbedeschynne von Quedelungburg . be kennen . vnde / be Tuchen in dissem openbaren breue . Dat we met Ganzemme wyllen vn(de) wlbort vnses capitules / hebben vor koft . vor seuentich marc . vn(de) vif marc . stendallisches silberes . Dat len dat dy / achtbaren vorsten .. dy marcgreuen von brandeburch . von vns hatten . vn(de) vort von en dẏ edelen / herren . Greue . albrecht .. vn(de) greue . olrihe sin sone . Ouer vere hoͤue , ouer den hof dy des / Greuen was . vn(de) nu de vlesch hof het . vnde ou(er) eime hof de dar by leghet . dy was eynes / ridders de heyt sone . vn(de) ouer den hof heren wlrauenes . vn(de) ouer den hof heren Thiderkes / des schenken . Vort mer ouer den bomgharden by der stat muͤren . vn(de) ouer der stat grauen / vn(de) ouer dy vischerige by deme siluen bomgarden . vn(de) ouer dat hech . dat be ghinnet anden hoen / steghen . vn(de) lendet [in ded(er)] Groper molen inder weghe schedi(n)ge . Der meynheyt von der alden stat / To quedelungburch . vnde Gheuen en dat vorbenu(m)de len , To wicbeldes rechte nu vn(de) ewelike / Alsodane wis dat wy dat recht dat ouer dy genzen vorbenu(m)den stat vnse is be halden ouer dy / vorbenumeden ding . Disser be scheyden heyt sint Tuͦche . h(er) herbort moz . her joh(annes) . de perrer / von sinte blasius . her conr(ad) . de perrer vtter neyn stat . her Johannes . von que(re)mbeke . her / Gherhart . von sman ? her lodewiht . von elueligherode ? eyn riddere . her . hinric . von hoyem ? eyn / ridde(re) . dy To enech(er)msleue ? wonet . To eynem or kunde disser di(n)ghe . hebbe wy dissen bref / ghe gheben . vnder vnsem inghesechele . vn(de) vnd(er) dem jnghesechel . vnses capituͤles . Na goddes / bort dusent jar . Dru hundert jar . an deme Twinteghiste(n) jare . jn sinte bartolomeus thaghe /