Umme de svͦne de bedeghedi(n)get is . met here(n) gardune vn(de) de alden stat to q(ue)deli(n)gb(orch) / dat is also bedeghedi(n)get , vmme den dot slach an holt apele . dat hen is gheleghet met / he(re)n gardune(n) , vn(de) de dar erue(n) to sin . vnde met alle(n) den . de meder sake begrebe(n) / sin . Also dat dat en ganz eneni(n)ge is vn(de) en sone . dar is inne be grepen vmme de / burghe(re) to quedeli(n)gb(orch) . dede schaden hebben ghenomen von siner weghene . de schol/len siner gnaden warden . vor de schal de stat gherne bidden . were jenich man / dede schaden wolde don h(er)n gardune . vmme disse vorbenuͦmden schaden . dede he / schaden na der tit en scholde he vnse burghe(re) nicht wesen . vore he en wech , vn(de) dede / he schaden vmme de sake . dar en hedden de burghe(re) nene svͦne ane broken . disse svͦne / hebben ent scheden . de Edelen h(er)n . Greue Otto von valkensten . vnde Greue bosse / von mansvelt . Do disse sone wart vollentochen dar waren ouere Greue conrat / von w(er)ni(n)gerode . de schenke(n) von herseborne . vn(de) her heneke von Enechem(er)sleue von hoye(n) / her otto von gerchsum . her frice lowe . her herman von herbeke vn(de) her [...] von / alsleue . Dit sin de borche(re) de dar ouere hebben ghe weset . Hinricht zcabel vn(de) / hannes mest(er) . des rades mest(er)e . henni(n)g von Marsleue . hinrich . von tweuelendorp . / heneke von borch . Thile vo(n) groni(n)g Conrat knobe Reyneke mestianes . hinrich / von Gosler . wolter . jan oueruelt vn(de) danel von orden Dit is ghe schin . na goddes / bort dusent jar dru hundert jar . Jn deme tweẏentwintegheste Jare jn sinte / seruacies auende