Na goddes iar dusent iar druͦhundert iar in deme vif vn(de) / twinteghestem iare . bẏ der tẏd do greue albrecht vnde / greue b(er)nhard de brode(re) van reghensteẏn der do dat hus to / heẏmborch was voredeghedingeden de alden stad to quedeli(n)g=/eborch . do ward ghekoren eẏn biscoph to halu(er)stad . vd deme / slechte der h(er)toghen van brunswik . de heẏt biscoph albrecht . / des irsten iares also he was biscoph gheworden . satten sik / wedder ene vnde wedder sin godeshus , disse vore benomede(n) / greuen . greue albrecht vn(de) greue b(er)nhard van reghensteẏn / vnde deden deme goddeshuse groten vn(de) bedrepliken scade(n) . / ir de biscoph to were queme . dolest bete(n)gde sik de biscoph / to werende , vn(de) toch vor en hus dat der greuen was . dat / hus dat heẏt de guͦntekenborch . vn(de) lach hir to quedeli(n)geb(or)ch / vor deme hoendore . twischen der ebbedisghen borch vnde / sente wiprechte , vnde de biscoph wan dat hus . do he dat / hus wan , do venk he oppe deme huse beẏde ridde(re) vnde / knechte , vn(de) alle de de oppe deme huse do weren . do de gre=/uen dissen scaden ghenomen hadden do beghereden se ener / sone . vn(de) leten deghedi(n)gen dar vmme . des koren se in beẏ=/dentsiden deghedi(n)ges luͦde . des biscopes deghedi(n)ges luͦde / weren . greue henric van hoensteẏn de Juͦngere des / do sundershusen was . vn(de) h(er) arnold stam(er)e eẏn ridder de / do was des biscopes houetman : der greuen deghedi(n)ges / luͦde weren greue conrad van w(er)ni(n)gerode . vn(de) eẏn ridder / de was ere houetman de heẏt h(er) henric schat . disse vere / deghedinges luͦde berichteden dat orleghe , vn(de) vor sone=/den de h(er)ren , guͦtliken , vn(de) vruͦntliken , also . alse hir na steẏt // ghe screuen . de biscoph scolde laten breken dat ghewun=/nene hus . vnde scolde los gheuen alle de vangenen / de he oppe deme hus ghevangen hadde . vn(de) de greue(n) / scolden deme biscope to ener wedderstadi(n)ghe gheue(n) / druͦhundert mark stendalisghes silue(re)s . vnde laten / em de oldenstad to quedeli(n)geborch vore to deghedi(n)gende / ewechliken also ere vader greue olric vn(de) se na em / de stad voredeghedi(n)get hadden wente an de tẏd . dat / wilkoreden beẏde de biscoph vn(de) de greuen . mit guͦden / willen . vnde loueden dar op ene gantze sone . vnde / kusseden ene vruͦntlike sone . disse sone ward vol/toghen vnde kuͦndeghet to den barvoten broderen / in der olden stad in deme grashoue bi der muͦren / dede licht op dat ostene bi der bode . disse sone kun/deghede greue bernhard de vorste van anhald . dar / weren to ieghenwardich disse dikke ghenomede vorste / van halu(er)stad . vnde de greuen . de dat orleghe antrat / vnde de deghedi(n)ges luͦde . de de sone ghemaket hadden / vnde her otte de Edele van hademersleue . vn(de) dumh(er)=/ren van halu(er)stad . prouest werner van wantsleue / greue henric van hoensteẏn de kuͦster . her bartold / van kranikuelde .. de van hesnum . h(er) h(er)bord mor . / Ok weren dar ridde(re) . h(er) albrecht van dem berghe . her / b(er)tram van velthem . h(er) Jan van romesleue . h(er) Eric / van vrekenleue . h(er) heẏneke van hoẏem de hinkende / h(er) heẏneke van hoyem de langhe . h(er) siuert van hoyem . / h(er) gheuerd van hoẏem . h(er) b(er)nhard vn(de) h(er) ha(n)nes van // dituorde . ridde(re) . vordm(er) conrad van dem berghe . con/rad van reẏnstede . otto van hakeborne . abeke van arn=/stede . henric mus . knechte . van des rades weghene / van halu(er)stad . klaus lenteke . heẏso pellel . van des / rades weghene van aschersleue . hannes scuͦlde . vn(de) / jan rozslaw . van der stad weghene van quedeling=/eborch . henric van tweuelendorp . henni(n)g hilmer borgh(er)=/mestere . danel van orden . bernard van bekeheẏm . / hannes mester . henni(n)g van redessleue . tilo van / groni(n)ge . conrad van lafforde . radmanne ghemene . / vnde vele anderer herren . riddere . knechte . vnde bor=/ghere . de lang to nomende were . do man vor dat hus irst / toch dat scach an der nacht na palme(n) des dinsedaghes . also . dat / de vẏande in der krummen midweken des morghens vor / deme hus bedagheden . vnde in der midweken in dem / paschen vmme vespertid daghes . ward dat hus ersteghen / vnde ghewunnen . dat hus irsteich en ridder de heẏt / her asquin van dem stenberghe