We borge(re)meste(re) , vnde radmanne , vnde borghe(re) gemene inder olden stad to / Quedelingb(orgh) bekenne(n) indisem openen breue , vnde don wetlik allen de / en seen vnde horen , Dat we os hebben gedan . to . vsen leuen vrunden de=/me rade den burmeste(re)n , vnde den Inningemeste(re)n vnde den borghe(re)n ghe/mene to halb(ir)stad ewicliken bi en tobliuende , to al iren noͤden , werit dat / se ienich man dringen welde eder hinde(re)n an irme rechte , Dat scollet se / os wetlik don . Des scolle we recht vor se beden verteẏn nacht weret dat ¹ / dat we en nenes rechtes helpen konden . noch ne mochten , so scolle we en to / hulpe sin , mid alleme dat we vormoghen , vp use kost vnde vse auentuͮre / Dat sulue scollen se os weder don to enem orkunde diser dinge hebbe / we vnser stad ingeseghel hengt to disem breue , De is gescreuen vnde ghe=/uen na godd(is) bort dusent jar drehundirt jar indeme ses vnde tuinte=/ghesten jare indeme heren daghe sencte² tiburtius vnde , sencte³ vale=/rian(us)